प्रहरीले बंगलादेशी नागरिक अहमद विन मुसा र उनका सहयोगी शाह मोजाईमलाई पक्राउ गरेपछि यसमा ठूलो गिरोह संलग्न रहेको आशंका बढेको छ ।
सानिमा बैंकमा पहिले सून्य मौज्दात रकममा खाता खोलेका विनले पछि अनलाईन ईन्टरनेट बैंकिङको सुविधासमेत लिएर आफ्नो प्रयोगकर्ता नाम र गोप्य पिन नम्बरको सहायताले कम्प्युटर प्रणालीमा पहुँत बढाई गडबडी गरेर रकम यताउता गरेको पाईएकोे छ । सानिमाले तीनसय रुपैया तिरेपछि ईन्टरनेट बैंकिङ सुविधा सहजै दिने गरेको छ । सून्य मौज्दातमा खालेको खातामा दश हजार रुपैयाँ जम्मा भएको देखिएपछि बैंकका कर्मचारीहरुलाई शंका लागि प्रहरीलाई खबर गरेका थिए । रकम भुक्तानी लिँदासम्म बंगलादेशी नागरिकहरुले बैंकिङ डाटाबेशमै गडबडी गरिसकेका थिए । यो गिरोहमा अरु पनि संलग्न हुनसक्ने भन्दै प्रहरीले खोजविन तीब्र पारेको छ ।
यति मात्रै हैन, उनीहरुले नेपालीहरुलाई पनि सुन्य मौज्दातको खाता खोल्न र ईन्टरनेट बैंकिङ सुविधा लिन लगाएर गडबडी गरी प्राप्त हुने निश्चित रकम दिने प्रलोभन समेत दिएका थिए । प्रहरीले नेपाली खातावालहरुको नाम भने ‘सार्वजनिक गरेको छैन ।
बंगलादेशी नागरिकहरु नेपालमा टेलिफोनको वाईपास कल ( भिओआईपी र जिओआईपी ), नक्कली नोट र राहदानी, बैंकिङ कसु्रलगायतका मामिलामा बेला बेलामा पक्राउ पर्ने गरेका छन् । ईन्टरनेट बैंकिङ जस्तो अत्याधुनिक प्रविधिमा समेत उनीहरु गडबडी गर्नसक्ने अबस्थामा पुगिसकेकोले बढी सतकर्ता अपनाउनुपर्ने अबस्था देखिएको छ । ईन्टरनेट बैकिङ र एटीएम सेवा प्रदान गरिरहेका बैंकहरुले आफ्नो सुरक्षा बन्दोबस्ती बढाउनुपर्ने आबश्यकता अरु तड्कारो बनेको छ किनभने हिमालयन बैंक जस्ता बैंकहरु यसअघि नै आफ्नै कर्मचारीबाट गराईएको ईन्टरनेट र एटीएम बैंकिङ गडबडीका शिकार भईसकेका छन् ।
