दैनिकमा भुवन पौडेल लेख्छन्–भुकम्पका कारण खर्बौ रुपैयाँ बराबरको क्षति भएको छ । त्यसले शेयर बजारमा अस्वभाविक गिरावट नआओस भनेर अर्थ मन्त्रालयले सरकारी संस्थानहरुलाई निर्देशन दिएपछि फण्ड तयार हुने भएको हो । फण्डमा नागरिक लगानी कोष, कर्मचारी स्ंचय कोष, बिमा संस्थान, नेपाल टेलिकम लगायतका संस्थाबाट पूँजी संकलन हुनेछ ।
बजारको अबस्था अनुसार संथागत लगानीकर्ताले जुनसुकै समयमा पनि शेयर खरिद बिक्री गर्ने अबस्था आउने भएकाले तयारी अवस्थामा रहन अर्थ मन्त्रालयले निर्देशन दिएको जानकारी धितोपत्र बोर्डका अध्यक्ष बाबुराम श्रेष्ठले दिए ।
फण्डका लागि नेपाल धितोपत्र बोर्डको संयोजकत्वमा नेप्से, नागरिक लगानी कोष र संचय कोषका प्रतिनिधिहरु रहेको समिति समेत गठन भईसकेको छ । तर यस फण्ड मार्फत तत्कालै शेयर खरिद गर्ने भन्दा पनि बजारको आबश्यकता अनुसार मात्र शेयर खरिद गर्ने रणनीति बनाईदै गरेको जनाईएको छ ।
