हकप्रदको शेयरधनी दर्ता किताब बन्द पछि मूल्य कम भएकोले बढ्दो बजारमा यस बैंकको शेयर मूल्यमा फरक पर्ने अबस्था भए पनि हकप्रदका लागि आबेदन खुली त्यसको प्रमाणपत्र वितरण र नेप्सेमा सुचीकरण हुँदाको अबस्था समेत बिचार गर्ने हो भने शेयरधनी दर्ता किताब बन्दपछि नै घटेको मूल्यमा शेयर उठाउनेहरुले जित्नसक्ने अबस्था हुन्छ ।
लक्ष्मी बैंकको गत कार्तिक २५ गते बसेको साधारणसभाले तीस प्रतिशत हकप्रद शेयर जारी गर्ने निर्णय पारित गरेको थियो । चालु आर्थिक बर्षको तेस्रो त्रैमासिक बित्तीय बिबरणमा बैंकको पूँजी कोष १०.७६ रहेकोले पूँजी बढाउनुपर्ने चापमा बैंक ब्यवस्थापन परेको छ । बैंकले चालु आर्थिक बर्षको तेस्रो त्रैमाससम्ममा २४ करोड खुद नाफा गरेको छ ।
