नेप्सेमा उछाल आउनुको कारण बैकिंग समुहमा देखिएको अकल्पनीय चाप नै हो । यहि सन्दर्भमा प्राविधिक विष्लेशक जीवन श्रेष्ठले बैंकिंग समुहको ब्लुचीप कम्पनीको रुपमा आएको उछालसंगै मिडरेञ्जको बैंकिंग समुहमा आउने परिवर्तनको प्राविधिक विष्लेशणमा आधारित सामग्री तयार पार्नु भएको छ ।

नेपाल राष्ट्र बैंकले मौद्रिक नीति मार्फत बैंक तथा वित्तीय संस्थालाई ४ गुणा पूँजी वृद्धी गर्न निर्देशन दिएसंगै नेप्सेमा विशेष गरि बैंकिंग सव इण्डेक्समा तिब्र उछाल देखिएसंगै यो साता नेप्सेले एउटा रेकर्ड कायम गरेको छ । गत वर्ष साउन ५ गते नेप्से १०८३ मा पुगेकोमा यस पटक गत बिहीबार नेप्से १०८८ अंक भन्दा माथिसम्म उक्लिएर गत वर्षको रेकर्ड तोडेको हो । बिहीबारको नेप्से इण्डेक्स २०६५ भदौ १५ गते ११७५ अंक पुगे यता सात वर्षकै उच्च विन्दु हो । यो रेकर्ड बनाउन बैंकिंग सव इण्डेक्सको भुमिका महत्वपुर्ण रह्यो भने अब यो सव इण्डेक्समा के हाला  भनेर  यो विष्लेशण गरिएको छ ।

प्राविधिक विष्लेशणको विभिन्न उपकरणहरु मध्ये बोलिंगर व्याण्डमा आधारित २० दिनको सिम्पल मुभिङ्ग एभरेज भन्दा माथि माथि माथि तिर गएको देखिन्छ । तलको चित्रमा नेप्से इण्डेक्स बुलिस ट्रेण्डतिर गइरहेको जनाउँछ । जस अनुसार यो साता नेप्सेमा बैंकिंग सव इण्डेक्स १०५० अंकसम्म चढ्ने देखिन्छ ।

माथि चित्रमा देखिएको बोलिंगर व्याण्डसंगै देखिएको अर्को उपकरणको माध्यमबाट चित्र विष्लेशण गरिएको छ । जुन फिव्वोनाचीको डिग्री अफ इण्डिकेटर उपकरणमा आधारित छ । जसमा बोलिंगर व्याण्डको २० दिनको सिम्पल मुभिंग एभरेज भन्दा बैंकिंग सव इण्डेक्स पनि माथि गइरहेको छ । यसलाई चित्रमा रातो धर्साले जनाउँछ ।

त्यसै गरि गत साताको बैंकिंग सव इण्डेक्सलाई हेर्दा तलको चित्रमा कालो धर्काले नेप्से सव इण्डेक्सलाई जनाए अनुरुप नेप्से ९ सय ४८ विन्दुमा थियो । गत साता बुलिस ट्रेण्डमा रहेको बैंकीङ्ग सव इण्डेक्स निरन्तरको उछालले १ हजार २१ विन्दुसम्म चढ्यो । जसलाई तलको चित्रले प्रष्ट रुपमा व्याख्या गर्दछ ।

माथिको चित्रमा देखिएको बोलिंगर व्याण्डसंगै देखिएको अर्को उपकरणको माध्यमबाट चित्र विष्लेशण गरिएको छ । जुन फिव्वोनाचीको डिग्री अफ इण्डिकेटर उपकरण हो ।

त्यसै गरि गत साताको ट्रेण्डमा आधारित भएर अघि बढरिहेको बैंकिंग सव इण्डेक्सको ब्लूचीप मानिएका एभरेष्ट बैंक, हिमालयन बैंक, स्ट्याण्डर्ड चार्टर्ड बैंक लगायतका मिडरेञ्ज कमर्शियल बैंकले बुलिस ट्रेण्डलाई पछ्याएका थिए । तर अब यो मुभमेण्टलाई छाडेर यो साता बैंकिंग सव इण्डेक्समा मिडरेञ्ज कमर्शियल बैंकमा मुभमेण्ट आउने देखिन्छ । जसलाई तलको चित्रले व्याख्या गर्छ । (चित्र विष्लेशण गर्दा कालो धर्काले बैंकको शेयर मुल्यलाई जनाउँछ । त्यसै गरि रातो मोटो धर्काले २० दिनको सिम्पल मुभिङ्ग एभरेजलाई जनाउँछ । जुन बोलिंगर व्याण्डमा आधारित छ ।) 

चित्रमा देखिएको बोलिंगर व्याण्डसंगै देखिएको अर्को उपकरणको माध्यमबाट माथिको चित्र विष्लेशण गरिएको छ । जुन फिव्वोनाचीको डिग्री अफ इण्डिकेटर उपकरण हो ।

त्यसै गरि तलको चित्रमा देखिएका ३ वटा मिडरेञ्ज कमर्शियल बैंकको शेयर मुल्यको ट्रेण्डलाई चित्रण गरिएको छ । जस अनुसार माछापुच्छ«े बैंक, नेपाल बंगलादेश बैंक, सानिमा बैंक लगायतका मिडरेञ्ज बैंकहरुको शेयर मुल्य बढेमा मात्र यो साता बैंकिंग सव इण्डेक्स १ हजार ५० अंक भन्दा माथि चढ्ने देखिन्छ । (तलको चित्र विष्लेशण गर्दा कालो धर्काले बैंकको शेयर मुल्यलाई जनाउँछ । त्यसै गरि रातो मोटो धर्काले २० दिनको सिम्पल मुभिङ्ग एभरेजलाई जनाउँछ । जुन बोलिंगर व्याण्डमा आधारित छ ।)

माथिको चित्रमा देखिएको बोलिंगर व्याण्डसंगै देखिएको अर्को उपकरणको माध्यमबाट चित्र विष्लेशण गरिएको छ । जुन फिव्वोनाचीको डिग्री अफ इण्डिकेटर उपकरण हो । 

-जीवन श्रेष्ठ विगत ५ वर्षदेखि नेपाली शेयर बजारको प्राविधिक विश्लेषण गर्दै आउनु भएको छ । प्राविधिक विश्लेषण सम्बन्धमा श्रेष्ठले विभिन्न इन्स्टिच्यूटहरुमा अध्यापन समेत गराउँदै आउनु भएको छ ।

......................................................................................................................................................................

तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।