६ अर्व ४६ करोड ५० लाख रुपैंया चुक्ता पूँजी रहेको बैंकको प्रतिशेयर आम्दानी पनि ८ रुपैंया १४ पैसामा सिमित भएको छ । पूँजीकोष अनुपात अघिल्लो वर्षको तुलनामा बढेर ७ दशमलव ८ प्रतिशतमा पुगे पनि त्यो सन्तोषजनक छैन ।
अघिल्लो आर्थिक वर्षमा ६९ अर्व ३३ करोड रुपैंया निक्षेप संकलन गरेको बैंकले गत आर्थिक वर्षमा ७८ अर्व ७२ लाख रुपैंया निक्षेप संकलन गरेको छ । त्यसै गरि बैंकले अघिल्लो आर्थिक वर्षमा ४१ अर्व २१ करोड रुपैंया कर्जा प्रवाह गरेको थियो । गत आर्थिक वर्षमा त्यो झण्डै १२ अर्व रुपैंयाले बढेर ५३ अर्व ३७ करोड रुपैंया पुगेको छ ।
निष्कृय कर्जा अनुपात ५ दशमलव १२ प्रतिशतबाट ३ दशमलव ९५ प्रतिशतमा झरेको बैंकले ३८ करोड २ लाख प्रोभिजन राइट व्याक गरेको छ । विदेशी मुद्रा विनीमयमा अघिल्लो वर्ष ४ करोड नाफामा रहेको बैंक यस पटक झण्डै १५ करोड रुपैंयाको घाटा व्यहोर्न बाध्य भएको छ । जसका कारण पनि बैंकको नाफा प्रभावित बनेको हो ।
मुल्य आम्दानी अनुपात ३७ दशमलव ४८ प्रतिशत रहेको बैंकको जगेडा कोष २ अर्व ५९ करोड रुपैंयाले नकरात्मक छ । अन्य सुचांकहरु तरलता अनुपात २६ दशमलव २८ प्रतिशत, प्रतिशेयर बजार मुल्य ३ सय ५ रुपैंया, पीइ रेशियो ३७ दशमलव ४८ प्रतिशत र प्रतिशेयर नेटवर्थ ५९ रुपैंया ९१ पैसा रहेका छन् ।
गत आर्थिक वर्षमा २ सय २५ रुपैंयादेखि ३ सय २४ रुपैंया प्रतिकित्ताका दरले १३ लाख ५९ हजार १ सय ६४ कित्ता शेयरहरु ४७ दिन मात्र किनबेच भएका थिए ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।
