कृषि विकास बैंकले गत आर्थिक बर्षमा एक अर्ब ८७ करोड रुपैंयाँ नाफा गरेको छ । यो मुनाफा अघिल्लो आर्थिक बर्षको भन्दा ३५ करोडले बढि हो । अघिल्लो आर्थिक बर्ष बैंकले एक अर्ब ५२ करोड नाफा कमाएको थियो । बैंकले गत आर्थिक बर्षमा खुद ब्याज आम्दानी मात्रै ४ अर्ब ६२ करोड बाट बढाएर ५ अर्ब २१ करोड रुपैयाँ पुर्याएको छ । बैंकले गत आर्थिक बर्षमा ७६ अर्ब रुपैंयाँ निक्षेप संकलन गरेर ६६ अर्ब ६० करोड ऋण लगानी गरेको छ । अघिल्लो आर्थिक बर्षको तुलनामा बैंकको निक्षेप तथा कर्जामा सुधार गरेको छ ।
त्यस्तै बैंकले राईट ब्याकबाट ६० करोड आम्दानी गरेको छ भने ९३ करोड रुपैंयाँ सम्भावित नोक्सानी वापत प्रोभिजन गरेको छ । साथै बैंकले अघिल्लो आर्थिक बर्षमा ५.४६ प्रतिशतमा रहेको खराब कर्जालाई घटाएर ४.५३ प्रतिशतमा झारेको छ । बैंकको प्रति शेयर नेटवर्थ २३३ रुपैंयाँ ९९ पैसा रहेको छ । बैंकले अघिल्लो बर्ष सात प्रतिशत बोनश तथा आठ प्रतिशत नगद लाभांश वितरण गरेको थियो ।
....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।
