छ महिना भित्र मर्जर गर्ने उद्देश्य सहित माछापुच्छ्रे बैंकका अध्यक्ष डा. बिरेन्द्र प्रसाद महतो र जनता बैंकका अध्यक्ष उदय नेपाली श्रेष्ठले विस्तृत सहमति पत्रमा सोमबार हस्ताक्षर गरेका हुन ।
यस अघि गत आश्विन ३ गतेका दिन दुवै बैंक बीच मर्जर गर्ने प्राथमिक सहमति भएको थियो । मर्जर पश्चात बैंकको नाम माछापुच्छ्रे बैंक लि. नै रहनेछ । मर्जर कार्यलाई अगाडि बढाउन दुवै बैंकबाट तीन तीन जना सञ्चालक सम्मिलित संयुक्त मर्जर समिति समेत गठन गरिएको छ ।
मर्जर समितिमा माछापुच्छ्रे बैंकका अध्यक्ष विरेन्द्रप्रसाद महतो संयोजक छन् भने बैंकका सञ्चालक रोशन केसी र ज्ञानप्रसाद कर्माचार्य सदस्य छन् । त्यसैगरी जनता बैंकबाट सञ्चालकहरु गुरुप्रसाद न्यौपाने, केशव रायमाझी तथा भीमानन्द ढुँगाना सदस्य छन् ।
मर्जरपछिको सञ्चालक समितिमा माछापुच्छ्रे बैंकका अध्यक्ष महतो नै अध्यक्ष रहने तथा नौ जनाको सञ्चालक समिति रहने सहमति भएको छ ।
उक्त समितिमा माछापुच्छ्रे बैंकका तर्फबाट पाँच जना तथा जनता बैंकको तर्फबाट तीन जना र विशेषज्ञ सञ्चालक एक जना रहनेछन् ।
अहिले माछापुच्छ्रे बैंकको चुक्ता पूँजी दुई अर्ब ९५ करोड तथा जनता बैंकको चुक्ता पूँजी दुई अर्ब ६ करोड रुपैयाँ छ ।
माछापुच्छ्रे बैंक हकप्रद शेयर जारी गर्ने पक्रियामा रहेको छ भने मर्जर पपछि बैंकको कुल चुक्ता पूँजी ५ अर्ब ७१ करोड रुपैयाँ पुग्ने बैंकले जानकारी दिएको छ ।
मर्जरपछि बन्ने बैंकको ९२ वटा शाखा ९८ वटा एटीएम सञ्जाल हुनेछ । मर्जरको प्रारम्भिक सहमति पछि दुवै बैंकको सेयर कारोवार रोकिएको छ ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
