चुक्ता पूँजी भन्दा निक्षेप कम रहेको कम्पनीको निस्क्रिय कर्जा अनुपात बढ्दा नोक्सानी ब्यवस्था समेत बढाउनु परेको छ । कम्पनीकोे निक्षेप एक अर्ब ३५ करोड कर्जा परिचालन एक अर्ब ६१ करोड छ । फाईनान्सको निक्षेप र कर्जा रकम पनि क्रमश घट्दै गएको छ ।
फाईनान्सले ब्याज आम्दानी र संचालन नाफा भने गत बर्षको पहिलो त्रैमासमा भन्दा बढाएको छ । फाईनान्सले यस आर्थिक बर्षको पहिलो त्रैमाससम्ममा ४४ लाख रुपैयाँ मात्र खुद नाफा गरेको छ, जुन अघिल्लो बर्षको सोही अबधिको हाराहारीमा हो ।
ठूला बाणिज्य बैंकहरुसँग मर्ज हुने सपना साँचिरहेको आईएलएफसीलाई निस्क्रिय कर्जाले मोलतोल गर्ने शक्ति घटाएको देखिन्छ । आईएलएफसीलाई लिने बैंकले दुई अर्ब रुपैयाँ पूँजी जुटाउन सके पनि उसको निस्क्रिय कर्जाको भार पनि ब्यहोर्न पर्दा बैंकलाई आफु स्वस्थ रहेको देखाउँन केही असजिलो हुनेछ ।
राष्ट्र बैंकको मौद्रिक नीतिको नयाँ ब्यवस्था अनुसार राष्ट्रियस्तरको फाईनान्स कम्पनी रहिरहन कुनै अफ्ठेरो नभएपनि निक्षेप रकमको कमीले संचालन खर्च धानेर लगानीकर्तालाई लाभांश खुवाउनै नसक्ने अबस्था छ ।
कम्पनीले धेरै जसो कर्जा निर्माण उपकरणहरु खरिद गर्न ठेक्कापट्टा गर्ने निर्माण ब्यवसायीहरुमा परिचालन गरेकाले लिलाम गरेर असुल गर्न कठिनाई भएको देखिन्छ ।
