यो खबर कतिपय भारतीय मिडियामा समेत चर्चाको बिषय बनेको छ । अब एक ब्यक्तिले एक हप्तामा २५ सय भारतीय रुपैयाँ मात्रै खरिद गर्न पाउनेछन् । यसअघि एकपटकमा ५ हजार रुपैयाँ सटही गर्न पाउने व्यवस्था रहेको थियो । तर औषधि खरिद तथा उपचारमा जान लागेका मानिसहरुको लागि भने यो हदबन्दी लागु नहुने नेपाल राष्ट्र बैंकका प्रवक्ता त्रिलोचन पंगेनीले जानकारी दिए ।
भारतमा गएर सामान खरिद गर्नको लागि भारतीय मुद्रा खरिद गर्न लागेपछि बजारमा भारतीय रुपैयाँको कालोबजारी बढेको हो । बजारमा अन्य सामानको कालोबजारी बढ्दै गएको समयमा भारतीय रुपैयाँको समेत कालोबजारी बढ्न थालेपछि यस्तो कदम थालिएको राष्ट्र बैंकका प्रवत्ता पंगेनीको भनाई छ ।
तस्करीहरुले भारतीय मुद्रा उच्च मूल्यमा खरिद गरी भारतबाट अवैध बाटाको प्रयोग गरी सामान आयात गर्न थालेका कारण राष्ट्र बैंकले यस्तो कदम चालेको हो । राष्ट्र बैंकले भारतीय मुद्रा सटहीमा गरेको कडाई भारतीय संचारमाध्यमा पनि गशिप बनिरहेको छ ।
....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
