गत आर्थिक वर्षको सोहि अवधिको तुलनामा बैंकको निक्षेप २६ प्रतिशतले वृद्धि भई करिब ६ अर्व ५९ करोड पुगेको छ भने कर्जा २८ प्रतिशतले वृद्धि भई ५ अर्व ५८ करोड पुगेको छ । यसअवधिमा बैंकको कुल सम्पत्ति २२ प्रतिशतले बढेर ८ अर्व ४४ करोड नाघेको प्रमुख कार्यकारी अधिकृत मनोहर केसीले जानकारी दिए ।
गत आर्थिक वर्ष २०७१/७२ को मुनाफाबाट बैंकले आफ्ना शेयरधनीहरुलाई १३ प्रतिशतका दरले बोनस शेयर वितरण गर्ने भएको छ । जुन नेपाल राष्ट्र बैंकबाट स्वीकृत भई सकेको र आगामी साधारणसभाबाट पारित भए पश्चात् वितरण गरिने छ ।
हाल बैंकको चुक्ता पुँजी ९३ करोड ४६ लाख ८९ हजार रहेकोमा उक्त बोनस शेयर वितरण पश्चात् बैंकको चुक्ता पुँजी रु. १ अर्व ५ करोड ६१ लाख ९९ हजार पुग्नेछ । बैंकको तरलता अनुपात ३३.७७ प्रतिशत रहेको छ भने पुँजी कोष १९.१२ प्रतिशत रहेको छ ।
नेपाल राष्ट्र बैंकले जारी गरेको पुुँजी वृद्धि योजना एवं बैंकलाई अझ बढी सवल र सुुदृढ गर्दै जाने बैंकको योजना अनुसार गत मंसिर १ गते फेवा विकास बैंक लि पोखरा विच एक आपसमा मर्ज गर्ने सहमति पत्रमा हस्ताक्षर गरि आवश्यक स्वीकृतिका लागि नेपाल राष्ट्र बैंकमा निवेदन पेश गरिसकिएको छ ।
बैंकले चालु आ.व.मा पोखरामा एक शाखा कार्यालय स्थापना गरि कारोवार शुुरु गरेको छ र काठमाण्डौको बानेश्वरमा थप एक शाखा कार्यालय स्थापना गरि सिघ्र संचालनको तयारीमा रहेको छ । हाल बैंकको प्रधान कार्यालय सहित १३ वटा शाखा कार्यालयहरु मार्फत देशका विभिन्न स्थानमा आफ्ना ग्राहकहरुलाई आधुनिक बैंकिङ्ग सेवा प्रदान गर्दै आईरहेकोछ ।
...................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।