मंगलबार बजार खुलेको केहिबेर हरियो देखिएपनि त्यसपछि क्रमश ओरालो लागेको नेप्से ९.११ अंकले १०६६.६९ अंकमा पुगेको छ । विकास बैंक बाहेक कारोबारमा आएका अन्य सबै समूहको सूचक नकारात्मक भएपछि समग्र बजार ओरालो लागेको हो ।
यसदिन १११ कम्पनीको २१ करोड ९ लाख रुपैयाँ बराबरको शेयर किनबेच भएको छ । अधिल्लो कारोबारको तुलनामा मंगलबार कारोबार रकम २ करोड ६६ लाख रुपैयाँले घटेको छ ।
यसदिन सबैभन्दा धेरै कारोबार अपि हाइड्रको एक करोड ९७ लाख रुपैयाँ बराबरको कारोबार भयो । यसदिन अपिको शेयरमुल्य समेत सात प्रतिशत भन्दा धेरैले बढेर प्रतिकित्ता ४३० रुपैयाँ पुगेको छ । अघिल्लो साताबाट मात्र नेप्सेमा कारोबारमा आएको अपि हाइड्रो शेयर किनबेचमा क्रमश बढेत्तरी हुदै गएको छ ।
त्यस्तै नेपाल लाइफ, एभरेष्ट बैंक, एस डेभलपमेन्ट बैंक संस्थापक, एनएमबी र एनआईशी एशियाले करोड बढिको कारोबार गरेका छन् ।
यसदिन नेपाल ग्रामिण विकास बैंकका लगानीकर्ताले सबैभन्दा धेरै कमाएका छन । यसको शेयरमूल्य दश प्रतिशतले बढेर प्रतिकित्ता ११० रुपैयाँमा अन्तिम कारोबार भएको छ ।
पाँच वटा सस्था मर्ज भएरे ग्रामीण विकास बैंक बनेको हो । मर्ज प्रयोजनका लागि दुई वर्ष भन्दा धेरै समय यसको कारोबार रोकिएको थियो । बैंकको सेयर प्रतिकित्ता न्युनतम ३६ रुपैयाँ देखि अधिकतम एक सय आठ रुपैयाँ ओपन रेञ्ज तोकिएको थियो ।
त्यसपछि क्रमश अपि हाइड्रो, अरुण हाईड्रो र मालिका विकाश बैंक धेरै कमाउनेको सूचीमा अगाडि परेका छन् ।
अघिल्लो दिन नेप्से उकास्न मद्यत पुर्र्याको नेपाल टेलिकममा लगानीकर्ताले मंगलबार सबैभन्दा धेरै गुमाएका छन् । जसको शेयरमूल्य ४३ रुपैयाँले घटेर अन्तिम मूल्य प्रतिकित्ता ६४६ रुपैयाँमा झरेको छ । राप्तीभेरी विकास बैंक, नारायणी नेशनल फाइनान्स र भत्तपुर फाइनान्सका लगानीकर्ता समेत गुमाउनेको अग्रपत्तिमा परेका छन् ।
...................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
