उक्त समझदारीमा बिजनेस युनिभर्सलका तर्फबाट सञ्चालक एवं मर्जर समितिका संयोजक दिनेशशंकर पालिखे र फेवाका तर्फबाट सञ्चालक एवं मर्जर समितिका संयोजक बिन्दुुकुमार थापाले हस्ताक्षर गरेका थिए । तर उक्त सहमतिमा दुवै बैंकका अध्यक्षहरुले हस्ताक्षर गरेका थिएनन् । मर्जरबारे फेवा विकास बैंकका अध्यक्ष जगन गुरुङ र अन्य सञ्चालकबीच विवाद भएपछि बिजनेस युनिर्भसल पछि हटेको हो ।
मर्ज गर्ने निर्णय गर्दा आफूलाई कुनै जानकारी नदिइएको भन्दै फेवाका अध्यक्ष जगन गुरुङले बैंकका ३० प्रतिशत सेयरधनीको साथ लिएर राष्ट्र बैंकमा निवेदन दिएपछि मर्जको निर्णय धरापमा परेको हो ।
दुई संस्थाका मर्जर कमिटीले मर्जपछि बैंकको कार्यकारी अधिकृत फेवा विकास बैंकको तर्फबाट र सञ्चालक समितिको अध्यक्ष बिजनेस युनिभर्सल बैंकको तर्फबाट राख्ने सहमति गरेको थियो । तर त्यो सहमतिप्रति फेवाका अध्यक्ष जगन असन्तुष्ट थिए । यहि बिषयलाई लिएर फेवा विकास बैंकका सञ्चालकबीच किचलो सुरु भएपछि मर्जर टुटेको हो । फेवा बैंक अध्यक्षले मर्जमा नजाने भनेर राष्ट्र बैंकमा पत्र पठाएपछि किन नजाने हो भनी केन्द्रीय बैंकले उनलाई स्पष्टीकरण सोधिसकेकोछ ।
फेवा फाइनान्स र विश्व विकास बैंक मर्ज भएर फेवा विकास बैंक बनेको हो । संस्थामा ‘अध्यक्ष जगन गुरुङ र सञ्चालक बिन्दु थापा’ का दुई समूह रहेको र उनीहरुबीचको सम्बन्ध ‘चिसो’ भएको बैंककै एक सञ्चालकले जानकारी दिए । यसअघि दुवैजना छुट्टाछुट्टै संस्थामा थिए । जगन मर्ज हुनुअघिको विश्व विकास बैंकका अध्यक्ष हुन् भने बिन्दु फेवा फाइनान्सका सञ्चालक तथा मेजर सेयर होल्डर ।
अहिले फेवाको चुक्ता पुँजी ८१ र बिजनेस युनिभर्सलको ९३ करोड रुपैयाँ छ । गएको वर्ष फेवाले २२ करोड र बिजनेस युनिभर्सलले १६ करोड २० लाख रुपैयाँभन्दा खुद नाफा कमाएका थिए ।
दुवैं संस्थाको बोनस सेयरसमेत जोड्दा चुक्ता पुँजी २ अर्बभन्दा बढी चुक्ता पुँजी पुग्ने विश्लेषण गरिएको थियो । आगामी वर्षका बोनससमेत बाँड्दा राष्ट्र बैंकले भनेअनुसार केन्द्रीय स्तरको विकास बैंक चाहिने साढे २ अर्बको पुँजी पुग्थ्यो । राष्ट्र बैंकले आउँदो २०७४ असार मसान्तभित्र विकास बैंकले चुक्ता पुँजी साढे २ अर्ब रुपैयाँ पु¥याउनुपर्ने नीति सार्वजनिक गरेको थियो ।
.................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक र ट्वीटर मार्फत पनि पाउन सक्नुहुन्छ ।