विहिबार शेयरबजारमा सामान्य सुधार हुँदा कारोबार रकममा समेत बढ्त्तोरी देखिएको छ । साताको अन्तिम कारोबारमा दश कम्पनीको शेयरमूल्य झण्डै दश प्रतिशतको हाराहारीमा बढ्दा धेरै कमाउने कम्पनीमा वीमा र लघुवित्त अग्रपंतिमा देखिएका छन् । गत साता जस्तै बजारमा मर्जरको चर्चा चलेपछि बैंकअफ काठमाडौ र लुम्बिनी बैंकको कारोबार समेत बढेको छ ।

मर्जरको चर्चाले बिहीबार लुम्बनी बैंक र बैंक अफ काठमाण्डू (बिओके) को सबैभन्दा वढी कित्ता सेयर कारोबार भएको छ । यी दुईबैंकबीच मर्जमा जाने कुनै औपचारीक सहमति नभएको भएपनि केहिसाता यतादेखि बेलाबेलामा बजारमा हल्ला चल्ने गरेको छ र यहि हल्लाकै कारण यी दुई कम्पनीको कारोबारमा समेत बढ्त्तोरी हुने गरेको छ । गएको हप्तामा पनि यस्तै हल्ला चलेपछि यी दुई कम्पनीको कारोबारमा नाटकिय परिर्वतन देखिएको थियो ।

लुम्बिनी बैंकको ६५ हजार ५०५ कित्ता सेयर किनबेच भएको छ । बिओकेको पनि ५३ हजार ८०६ कित्ता सेयर कारोबार भएको छ । लुम्बिनीको सेयर मूल्य ४०१ र बिओकेको ५८५ रुपैयाँमा बन्द भएको छ । यसदिन बैंकअफ काठमाडौको ३ करोड १३ लाख र लुम्बिनी बैंकको २ करोड ६२ लाख रुपैयाँ बराबरको कारोबार भएको छ ।
विहिबार पनि एनआई सी एशिया बैंकको सबैभन्दा धेरै झण्डै ३ करोड ४९ लाख रुपैयाँ बराबरको शेयर किनबेच भएको छ । लाभांश घोषणा गरेपछि यो बैंकको कारोबार सबैभन्दा धेरै हुँदै आएको छ ।

यसदिनको कारोबारमा नौ वटा कम्पनीको शेयरमूल्य झण्डै दश प्रतिशतले बढेको छ । सबैभन्दा धेरै विजय लघुवित्त र मिर्मिरे माइक्रो फाइनान्सको दश प्रतिशतका दरले शेयरमूल्य बढेको छ । विजय लघुवित्तको शेयरमूल्य प्रतिकित्ता १२८ रुपैयाँले बढेर १७६० रुपैयाँ पुगेको छ भने मिर्मिरेको ११० रुपैयाँले बढेर ११५५ रुपैयाँ पुगेको छ ।

त्यसपछि पूर्णिमा विकास बैंक, लुम्बिनी इन्स्योरेन्स, नेपाल इन्स्योरेन्स, नेको इन्स्योरेन्स, आइएलएफसीओ माइक्रोफाइनान्स, मिथिला लघुवित्त, प्रभु इन्स्योरेन्स र युनाईटेड इन्स्योरेन्सको पनि झण्डै दशप्रतिशतकै हाराहारीमा शेयरमूल्य बढेको छ ।

दश प्रतिशतको हाराहारीमा शेयरमूल्य बढ्ने कम्पनीमा चार लघुवित्त, पाँच वटा इन्स्योरेन्स तथा एउटा विकास बैंक रहेका छन् ।

यसदिनको कारोबारमा तारागाँय रेजेन्सी होटलका लगानीकर्ताले सबैभन्दा धेरै गुमाएका छन् । यो कम्पनीको शेयरमूल्य झण्डै दश प्रतिशतले घटेको छ ।

त्यसैगरि समिट माइक्रो, मितेरी डेभलपमेन्ट, भत्तपुर फाइनान्स, अरुण फाइनान्स, नेपाल बैंक, रिलायबल डेभलपमेन्ट, टुरिजम डेभलपमेन्ट बैंक लगायतका कम्पनी गुमाउनेमा परेका छन् ।

विहिबार नेप्से ३.६९ अंकले बढेर ११३७.०३ अंकमा पुगेको छ । यसदिन शेयरबजारमा १२५ कम्पनीको ४६ करोड २० लाख रुपैयाँ बराबरको शेयर किनबेच भएको छ । अघिल्लो दिनको तुलनामा कारोबार रकम समेत तीन करोड रुपैयाँ बढिले बढेको छ ।

...................................................................................................................................................................

तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।