सीडिएससीका प्रमुख कार्यकारीले मेरो लगानीलाई दिएको जानकारी अनुसार अहिले सीडिएसले १ मिनेटमा १ हजार ३ सयको हाराहारीमा कागजी शेयर प्रमाणपत्रलाई अभौतिक शेयरमा रुपान्तरण गरिरहेको छ । उनी भन्छन् ‘अहिले डिम्याट गराउने सबै पक्षको पुर्वाधार बिस्तार गरि तिब्र रुपमा शेयर डिम्याट गराई रहेका छौं । अहिले १ मिनेटमा औसतमा १३ सय कित्ता शेयर डिम्याट भैरहेको छ ।’
पुस २ गते बिहीबारसम्ममा सीडिएससीले २५ करोड ९ लाख ४१ हजार ४ सय ८५ कित्ता शेयर डिम्याट गराएको थियो भने त्यस पछिका ३ दिनमा ५९ लाख ८५ हजार १ सय ७१ कित्ता शेयर डिम्याट भए । गत ६ गते सोमबारसम्मा कुल २५ करोड ६९ लाख २६ हजार ६ सय ५६ कित्ता शेयर डिम्याट गराएको सीडिएससीले त्यस पछिका ३ दिनमा फेरी ७३ लाख ७ हजार ६ सय १७ कित्ता शेयर डिम्याट गराएको हो । आइतबार बेलुकासम्ममा डिम्याट भएको कुल शेयरको संख्या २६ करोड ४२ लाख ३४ हजार २ सय ७३ कित्ता शेयर डिम्याट भएका छन् ।
यस क्रममा डिम्याट खाता खोल्ने शेयरधनीको संख्या १ लाख ३५ हजार ५ सय ९४ पुगेको छ ।
गत सोमबारसम्ममा यो संख्या १ लाख ३३ हजार ९ सय ८९ जनाले डिम्याट खाता खोलेका थिए । यसका साथै गत सोमबारसम्मा ४ करोड २० लाख २ठ हजार २ सय ४५ कित्ता शेयर बराबरको ३३ अर्ब ३८ करोड ९८ लाख २० हजार ७९ रुपैंया बराबरको डिम्याट शेयर कारोबारको राफसाफ तथा फछ्र्यौट गरिएको सीडिएससीले जनाएको छ ।
माघ १ गतेदेखि अनिवार्य डिम्याट कारोबारमा जानुपर्ने बाध्यताका कारण पनि लगानीकर्ता तथा सुचिकृत कम्पनीहरुलाई डिम्याटमा जान कर लागेको हो । यस क्रममा सोमबारसम्ममा १ सय २६ कम्पनी फुल डिम्याटमा गैसकेका छन् भने ३४ वटा कम्पनी साता भित्रमा डिम्याटमा जाने सीडिएससीले जनाएको छ ।
कुल २ सय ३० सुचिकृत कम्पनी मध्ये अब कारोबारको चाप नपर्ने २९ कम्पनीको मात्र शेयर डिम्याट हुन बाँकी रहेका छन् । अहिलेसम्म डिम्याटमा गएका कम्पनीको शेयर कारोबारको सक्रियताका आधारमा ९९ दशमलव ८ प्रतिशत डिम्याट भएका हुन् ।
.....................................................................................................................................................................
तपाईको एण्ड्रोइड ग्याजेटमा गुगल प्ले स्टोरबाट मेरो लगानी को एप्स डाउनलोड गर्न यहाँ थिच्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
