ग्लोबल आईएमईसहित १० बैंकहरुको लगानी रहेको मेरो माईक्रोफाईनान्सको ६ लाख १२ हजार कित्ताको बिहीबारदेखि बिक्री खुला भएको छ । मागे भन्दाबदी आबेदन परेमा चैत्र १ गते नै ओबदन लिन बन्द हुने जनाईएको छ ।

इच्छुक लगानीकर्ताले न्युनतम ५० कित्ता शेयर तथा अधिकतम १० हजार कित्ता शेयरका लागि आवेदन दिन सक्नेछन् । ग्लोबल आइएमइ क्यापिटल धितोपत्र निष्काशन तथा बिक्री प्रवद्र्धक रहेको छ ।

जमलस्थित नाचघरमा रहेको ग्लोब आइएमई क्यापिटलको कार्यालयबाट एकाउण्टपेयी चेकबाट मात्रा आवेदन दिन सकिने छ भने कान्तिपथस्थित ग्लोबल आइएमई बैंकबाट नगद तथा चेकबाट आवेदन दिन सकिने छ । जनकपुरमा रहेको ग्लोबल आइएमई बैंकको शाखा कार्यालयबाट पनि शेयरका लागि आवेदन दिन सकिने छ ।

यस बाहेक राजधानीमा सिटिजन्स बैंक इन्टरनेशनलका शाखा कार्यालयहरु कलंकी नारायण गोपाल चोक, नयाँ बानेश्वर, कुमारीपाटी ललितपुर र ठिमी भक्तपुरबाट आवेदन दिन सकिनेछ ।

राजधानीमा रहेको सोसाइटी डेभलपमेण्ट बैंकको शाखा कार्यालय गोंगबु तथा सगरमाथा मर्चेण्ट बैंकिंग फाइनान्स मानभवन ललितपुरबाट पनि आवेदन दिन सकिनेछ ।

राजधानी बाहिरको हकमा सिटिजन्स बैंकका शाखा कार्यलयहरु इटहरी, बिराटनगर, बिर्तामोड, बीरगञ्ज, बुटबल, धनगढी, महेन्द्रनगर, नारायणघाट, पोखरा, सिद्धार्थनगर, बनेपा र सुर्खेतबाट आवेदन दिन सकिने क्यापिटलले जनाएको छ ।
प्राइम कमर्शियल बैंकका शाखा कार्यालयहरु बट्टार र नेपालगञ्जबाट पनि आवेदन दिन सकिने छ ।
१३ करोड ८८ लाख रुपैयाँ चुक्ता पूँजी रहेको संस्थाको आइपिओ निष्काशन पश्चात चुक्ता पूँजी २० करोड रुपैयाँ पुग्नेछ ।
संस्थाले चालु आ।व।को अन्त्यसम्ममा थप १३ जिल्लामा १५ बढी शाखाहरु थप गरि ४५ शाखा कार्यालयहरु मार्फत ग्राहक सदस्यहरु ५२,३४२ पुर्याउने र ३८,६९८ ऋणीहरुलाई झण्डै दुई अर्ब लगानी गर्ने योजनामा रेहको छ ।
मेरो माइक्रो फाइनान्सको पहिलो र दोस्रो त्रैमासको विवरण हेर्ने हो भने फाइनान्सको प्रगति उल्लेख्य नै रहेको छ ।

चालु आर्थिक वर्षको पहिलो त्रैमासमा १ करोड ५८ लाख रुपैयाँ खुद नाफा गरेको माइक्रोफाइनान्सले सोही अवधिसम्ममा १३ करोड ६२ लाख रुपैया निक्षेप संकलन गरी १ अर्व २६ करोड ८८ लाख रुपैयाँ कर्जा प्रवाह गरेको छ ।
बिक्रीमा राखिएको शेयर कित्ता थोरै र आबेकदकको संख्या धेरै हुनाले साना ठूला लगानीकर्ताले पनि गोला प्रथाबाट मात्र शेयर पाउनसक्ने संभावना छ । त्यसैले यस शेयरमा ठूलो रकम फसाएर लगानी गर्नु बेकार हुने देखिन्छ । किनभने यसभन्दा अगाडि यस्ता मायृक्रोफाइृनान्समा आबेदन गर्नेले पनि निकै थोरै शेयर पाएका छन् भने कतिपयले रित्तै हात फर्किनु परेको छ । अहिले यस कम्पनीको शेयरमा एक लाख आबेदक भए भने पनि प्रत्येकको भागमा ६ कित्रा शेयर पर्नसक्छ तर १० कित्ता भन्दा तल बाँडफाँड गरिदैन । त्यसमाथि साना लगानीकर्तालाई ६० प्रतिशत र ठूला लगानीकर्तालाई ६० प्रतिशत शेयर भाग लगाएर बाँडफाँड गरिदा कसले कति शेयर पाउला भन्न सकिन्न । धितोपत्र बोर्डले ५० हजार रुपैयाँ भन्दा तलको रकम बराबरको शेयर आबेदन गर्नेलाई साना र त्यसभन्दा माथिको रकम बराबरको आबेदन गर्नेलाई ठूला लगानीकर्ताको दर्जा दिने गरेको छ । त्यसभित्र पनि शेयर आबेदनको आधारमा अलग अलग बर्गीकरण गरिन्छ ।

नेपाल धितोपत्र बोर्डले बहु आबेदकको रकम एउट चेकबाट भुक्तानी गरी आबेदन गर्न रोक लगाएको नयाँ ब्यवस्था यही कम्पनीको साधारण शेयरमा लागु हुने भएको छ । यसले आबेदकको संख्यामा केही कटौती हुने संभावना रहे पनि मुख्य बाणिज्य बैंकहरुकै लगानी रहेको माईक्रो फाईनान्स भएकाले लगानी सुरक्षाको जोखिम निकै कम रहेको देखाउँछ ।

हितग्राही( डिम्याट) खाता हुनेले फारममा आफ्नो खाता नम्बर स्पष्ट रुपमा उल्लेख गर्न नछाड्नु नै बेश हुनेछ किनभने शेयर सुचीकरण भएपछि तपाईलाई कागजी प्रमाणपत्रको झण्mभट हैन सिधै तपाईको खातामा शेयर आउनेछ ।