अपी पावर लिमिटेडले एक कित्ता शेयर बराबर नयाँ दुई कित्ता शेयर अर्थात दुई सय प्रतिशत हकप्रद जारी गर्ने निर्णय गरेको छ ।

सो कम्पनीकाृे फागुन ३० मा बसेको संचालक समितिको बैठकले कम्पनीको हालको चुक्ता पूँजी एक अर्बको दोब्बर अर्थात दुई अर्ब बराबरको हकप्रद शेयर जारी गर्ने निर्णय गरेको हो । यसका लागि चैत्र २७ मा कम्पनीको बिशेष साधारण सभा बोलाउने निर्णय भएको कम्पनीले जनाएको छ । यस पश्चात कम्पनीको चुक्ता पूँजि तीन अर्ब पुग्ने जनाईएको छ ।

कम्पनीले श्री सिद्घकाली पावर कम्पनीले निकट भविष्यमा निर्माण गर्न लागेको ७५ मे.वा को आयोजनामा बहुमत शेयर खरिद गर्ने योजना लिएको छ भने कम्पनीको सतप्रतिशत लगानीमा ८ मे.वा को अपर नौगड गाढ आयोजना र ४० मे.वा को माथिल्लो चमेलियाको निर्माण कार्यलाई समेत अघि बढाउने निर्णय गरेको कम्पनीले जनाएको छ । कम्पनीले यस अघिनै १७ महिनाको छोटो अवधिमा ८.५ मे.वा को नौगड गाढ आयोजना समापन गरि राष्ट्रिय प्रशारण लाईनमा जोडी सकेको छ । कम्पनीले निर्माण गर्ने ८ मे.वा को अपर नौगड गाढ आयोजना र ४० मे.वा को माथिल्लो चमेलिया दार्चुला जिल्लामा नै भएकोले निर्माण कार्य अमmै छिटो सकिने जनाएको छ । कम्पनीले आफ्नो आयोजनाहरुको निर्माण कार्य २०७३ बैशाख बाट शुरु गर्ने भएको छ । कम्पनीले देशमा विद्यमान उर्जा संकट समाधान गर्न आक्रमक रुपमा प्रस्तुत हुने बताएको छ ।

कम्पनीले आफ्ना शेयरधनीहरुलाई बढी भन्दा बढि लाभांश उपलब्ध गराउने र कम्पनीलाई नेपालको एक ठूलो निजि क्षेत्रको जलविद्युत विकास कम्पनी बनाउने उद्येश्यका साथ मेहनतका साथ कार्य गर्ने योजना रहेको समेत बताएको छ । कम्पनीको शेयरमा लगानी गरि बढि भन्दा बढि फाइदा लिनुका साथै दिर्घकालिन रुपमा दिगो लाभांश दिने कम्पनीको रणनिति रहेको कम्पनीका कार्यकारी संचालक संजिव न्यौपानेले बताए ।

कम्पनीको जगेडा कोष समेत घाटामा रहेको अबस्थामा लगानीकर्तालाई केही बर्षसम्म लाभांश बितरण गर्न नसक्ने भए पनि हकप्रद जारी गरेर नयाँ आयोजनाहरुको लगानी जुटाउने योजनालाई धितोपत्र बोर्ड र लगानीकर्ताहरुले कसरी लिने हुन् स्पष्ट हुन सकेको छैन । हकप्रद आउने र नयाँ आयोजनमा लगानी गर्ने हल्लाका कारण यस कम्पनीको शेयर मुल्य अस्वभाविक रुपमा केही दिनदेखि बजारमा उचालिएको छ ।