तेस्रो त्रैमासमा राम्रो नाफा कमाउने आँकलन गर्दे लगानीकर्ताको वाणिज्य बैंकतर्फ मोडिएपछि बजारको उक्लने गथति बढेको छ । आइतबार बजारमा वाणिज्य बैंक समुह १७ अंकले उकालो लागेपछि नेप्से समेत १२ अंक बढीले उकालो लागेको छ ।
कारोबारमा आएका जलविद्युत र वित्त बाहेक सबै समुहमा उकालो लागेपछि रेकर्डक्रमले निरन्तरता पाएको हो ।आइतबार नेप्से १२.६८ अंकले बढेर हालसम्मकै सर्वा्धिक उच्च १४५४.३५ विन्दुमा पुगेको छ ।१२० कम्पनीको कारोबार भएको बजारमा ८५ करोड ९३ रुपैयाँ बराबरको शेयर किनबेच भएको छ ।
नयाँ उचाईमा पुगेको बजारमा युनिलिभर (UNL) को शेयरमुल्य हालसम्मकै महङो भएको छ । आइतबार शेयरबजारमा यो कम्पनीको प्रतिकित्ता शेयरमुल्य ४.०४ प्रतिशत अर्थात एक हजार तीन सय ४५ रुपैयाँले बढेर ३४ हजार ६ सय ७८ रुपैयाँ पुगेको छ । यो हालसम्मकै सबैभन्दा उच्च मुल्य हो ।
नेपाल बंगलादेश बैंक (NBB) को शेयरमुल्य बढेर उच्च कारोबार भएको छ । एनबी बैंकको ७ करोड ८० लाख बराबरको शेयर किनबेच भएको छ । यो बैंकको शेयरमुल्य ५ प्रतिशत भन्दा धेरैले बढेर प्रतिकित्ता ६२२ रुपैयाँ पुगेको छ । त्यस्तै साधारणसभाको मिति तय भएपछि स्ट्याण्र्डड चार्टड (SCB) को कारोबार समेत निरन्तर बढ्न थालेको छ । यो बैंकको आइतबार मात्रै ६ करोड ८५ लाख रुपैयाँ बराबरको शेयर किनबेच भयो ।
यता नबिल बैंक (NABIL) ले ५ करोड बढीको कारोबार गर्दा सानिमा (SANIMA), इन्भेष्टमेन्ट (NIB) ,हिमालयन (HBL) , एभरेष्ट बैंक (EBL) को पनि ३ करोड बढीको शेयर किनबेच भएको छ । उच्च कारोबार गर्ने टप दश कम्पनीमा परेका नेपाल लाइफ (NLIC) र चिलिमे हाइड्रो (CHCL) को पनि साढे तीन करोड बढीको कारोबार गरेका छन् ।
नयाँ उचाईमा पुगको बजारमा सप्तकोषी डेभलपमेन्ट बैंक (SKDBL) का लगानीकर्ताले सबैभन्दा धेरै कमाएका छन् । यो बैंकको शेयरमुल्य दश प्रतिशतले बढेको छ । विहिबार पनि यो कम्पनीको शेयरमुल्य दश प्रतिशतकै हाराहारीमा बढेको थियो ।
यसैगरि मञ्जुश्री फाइनान्स, तिनाउ डेभलपमेन्ट, गुडविल फाइनान्स, युनिक फाइनान्स, कन्ट्री डेभलपमेन्ट, एनबी बैंक, आईसिएफसी फाइनान्स, युनिलिभर लगायतका कम्पनी धेरै कमाउनेमा परेका छन् । यसदिनको कारोबारमा पनि ललितपुर फाइनान्सका लगानीकर्ताले सबैभन्दा धेरै गुमाएका छन् । यो कम्पनीको शेयरमुल्य दश प्रतिशतले घटेको छ ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................
१५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु
