तीन पछि खुलेको शेयर बजार परिसुचक नेप्से करिब दश अंकले बढेर हालसम्मकै सर्वाधिक उचाईमा पुगेको छ । ७६ करोड रुपैयाँ बराबरको शेयर किनबेच भएको बजारमा वाणिज्य बैंक समुहको दोहोरो तथा बीमा समुहको तेहेरो अंकले उकालो लागेको छ । साधारण शेयर बाँडफाँडको निकै लामो समयपछि कारोबारमा आएको साझा विकास बैंकले सबैभन्दा धेरै कमाउदा ट्याण्र्डड चार्टड र एभरेष्ट बैंकको उच्च कारोबार भएको छ ।

झण्डै दोहोरो अंकले बढेको बजारमा ठुला भन्दा साना कम्पनी कमाउनेको अग्रपक्तिमा देखा परेका छन् । साझा विकास बैंकको शेयरमूल्य ९.४४ प्रतिशतले बढ्ेर ३१३ रुपैयाँ पुगेको छ । यो बैंकको अधिल्लो साताबाट मात्रै शेयरबजारमा कारोबार खुलेको हो। यसपछि स्ट्याण्र्डड चार्टड बैंकका लगानीकर्ताले कमाएका छन् । बैंकको आगामी जेठ २१ साधारणसभा हुदैछ । बैंकले प्रस्ताव गरेको बोनश समायोजन गरेपछि पनि बैंकको शेयरमुल्य बढेको छ । यसपछि लाइफ इन्स्योरेन्स, एभरेष्ट बैंकको कन्भर्टटेबल प्रिफिन्यसील शेयर, एभरेष्ट इन्स्योरेन्स, नेशनल लाइफ इन्स्योरेन्स लगायतका कम्पनीको शेयरमुल्य बढेको छ ।

सोमबार नेप्से ९.५६ अंकले बढेर १४७४.४७ अंकमा पुगेको छ । १२५ कम्पनीको कारोबार भएको बजारमा ७६ करोड २५ लाख रुपैयाँ बराबरको कारोबार भएको छ । जसमा वाणिज्य बैंक समुहको मात्रै ३९ करोड ८७ लाख रुपैयाँ रहेको छ । बीमा, वाणिज्य बैंक र जलविद्युत समुह सकारात्मक रहेको बजारमा अन्य समुहका सूचक भने नकारात्मक रहेका छन् ।

कारोबार रकमका हिसाबले स्ट्याण्र्डड चार्टड बैक अग्रस्थानमा रहेको छ । यो बैंकको करिब ६ करोड बराबरको कारोबार भएको छ । एभरेष्ट बैंकले ५ करोड ९७ लाख रुपैयाँ बराबरको कारोबार गर्दा नबिल बैंकको संस्थापक शेयर पनि ५ करोड ३३ लाख रुपैयाँ बराबरको कारोबार भएको छ । नबिल साधरण र नेपाल बैकले पनि ३ करोड बढीको कारोबार गरेका छन् ।

त्यसै गरि अधिक कारोबार हुने अरु कम्पनीमा नेपाल बंगलादेश बैंक, एभरेष्ट बैंक, नेपाल बैंक, छिमेक लघुवित्त विकास बैंक, एभरेष्ट इन्स्यारेन्स, सिटिजन्स बैंक, नेशनल लाइफ इन्स्योरेन्स र ग्लोबल आइएमई बैंक रहेका छन् । मिथिला लद्युवीत्तको शेयरमुल्य दश प्रतिशतले घट्द तारागाँउ रेजेशन्सी, सिनर्जी फाइनान्स, सेवा विकास बैंक , स्वोरोजगार लद्युवित्त लगायतका कम्पनी गुमाउनेको अग्रसूचीमा देखिएका छन् ।

....................................................................................................................................................................

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

....................................................................................................................................................................

जलविद्युत आयोजनामा गर्ने हैन त लगानी ?