दुई करोड २८ लाख कित्ता किनबेच, आठ अर्ब ३८ करोडको कारोबार

यसै साता हालसम्मकै सर्वाधिक उचाईमा पुगेको शेयरबजारमा  दश करोढ २० लाख कित्ता साधारण शेयर थपिएको छ । जलविद्युत लगानी तथा विकास कम्पनी र मेरो माइक्रोफाइनान्सको गरी दुई कम्पनीको साधारण शेयर थपिएको हो । हालसम्मकै सर्वाधिक उचाईमा पुगेको बजारमा जलविद्युत विकास कम्पनीको ठुलो मात्रामा शेयर थपिएका कारण बजारले थप उचाई लिने लगानीकर्ताको विश्वास छ ।

यसै साता नेप्सेमा जलविद्युत लगानी तथा विकास कम्पनीको ८ करोड संस्थापक तथा २ करोड साधारणशेयर गरि कुल दश करोड शेयर सूचिकृत भएको हो । त्यस्तै मेरो माइक्रोफाइनान्सको २० लाख कित्ता साधारण शेयर थपिएको हो । मेरो माइक्रोको अर्को सातबाटै शेयर बजारमा कारोबार खुल्ने सम्भावना रहेको छ भने जलविद्युत कम्पनीको अझै केही हप्ता लाग्ने देखिएको छ ।

यी दुवै कम्पनीको शेयर रजिष्ट्रार रहेको ग्लोबल आइएई क्यापिटलका अनुसार दुवै कम्पनीको शेयर डिम्याट गर्ने काम धमाधम भईरहेको छ । न्यूनत्म दश प्रतिशत शेयर डिम्याट हुनासाथ नेप्सेमा कारोबार खुल्नेछ । शेयर बजारमा पूर्ण डिम्याट कारोबारको थालनि भएपछि कारोबारमा जानु अगाडि अनिवार्य दश प्रतिशत शेयर डिम्याट गर्नुपर्ने प्रावधान रहेको छ । 

मेरो माइक्रोफाइनान्सको शेयर कारोबार अर्को सातादेखि हुने,कतिमा खुल्ला पहिलो कारोबार ?

जलविद्युत कम्पनीको शेयर कारोबारमा ल्याउने चटारो, शेयर डिम्याटका लागि सन्ध्याकालिन काउन्टर पनि

यस साता नेप्से परिसूचक गतसाताको तुलनामा ३८.६ अंकले बढेको छ । आइतबार १ हजार ६ सय ८५ दशमलव २७ विन्दुमा रहेको नेप्से परिसूचक साताको अन्तिम व्यापार दिन विहीबार १ हजार ७ सय २३ दशमलव २३ विन्दुमा पुगेको छ ।

यस साता नेपाल स्टक एक्सचेन्जमा १५० कम्पनीहरुको कारोबार भएको छ । जस अनुसार ३२ हजार ८ सय ३९ कारोबारबाट आठ अर्ब ३८ करोड नौ लाख ३७ हजार रुपैयाँ बराबरका दुई करोड २८ लाख ३६ हजार दुई सय कित्ता सेयरहरु खरिद बिक्री भएका छन् । कारोबार रकम गत साताको भन्दा ७.३२ प्रतिशत बढि हो ।

गत साता १४७ कम्पनीहरुको कारोबार भएको थियो । जस अनुसार ३२ हजार १८ कारोबारबाट सात अर्ब ८२ करोड २९ लाख ४३ हजार रुपैयाँ बराबरका एक करोड १० लाख ९४ हजार ५ सय ७० कित्ता सेयरहरु खरिद बिक्री भएका थिए ।

यस साता कारोबार रकम ( ३७ करोड ४३ लाख ७० हजार रुपैयाँ) को आधारमा एभरेस्ट बैंक लिमिटेड अग्रस्थानमा रहेको छ । त्यसैगरी कारोबार भएको सेयर संख्या (४८ लाख ८६ हजार कित्ता) को आधारमा एनआइबिएल सम्विृद्धी फण्ड १ अग्रस्थानमा रहेको छ । त्यसैगरी कारोबार संख्या (१२१५ वटा) को आधारमा सेन्चुरी कमर्सिय बैंक लि. अग्रस्थानमा रहेको छ ।

यस साता नेपाल स्टक एक्सचेन्जको कारोबार कक्ष नियमित कारोबारका लागि पाँच दिन खुला रह्यो । यस साता पनि ऋणपत्रतर्फ संस्थागत तथा सरकारी ऋणपत्रहरुको कुनै पनि कारोबार भएन ।

आईपीओको नाममा तछाड मछाड गर्दै साना कम्पनीमा धेरै रकम फसाउनु यसकारण बेकार

...............................................................................................................................................................

डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।

....................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

...............................................................................................................................................................

 १५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु