यसै दौरानमा कम्पनीले रुपन्देहीको बुटवलमा अग्राधिकार शेयरका सम्बन्धमा जानकारी मुलक कार्यक्रम सम्पन्न गरेको छ । बुटवल उद्योग बाणिज्य संघसंगको सहकार्यमा युनिभर्सल पावरले यस्तो कार्यक्रमको आयोजना गरेको हो । कार्यक्रममा कम्पनीले निर्माण गर्न लागेको जलविद्युत आयोजनाको लागत, लगानीकर्ताले गर्न सक्ने लगानी र पाउने प्रतिफलका सम्बन्धमा प्रष्ट पारिएको थियो ।
युनिभर्सल पार कम्पनीले दोलखाको सुरी, चंखु र खारे गाबिसमा ११ मेघावाट क्षमताको तल्लो खारे खोला जलबिद्युत आयोजना निर्माण प्रकृया अघि बढाएको छ । २ अर्व ४ करोड रुपैंयाको लागतमा निर्माण गर्न लागिएको जलविद्युत आयोजनाको तीन वर्ष भित्रमा निर्माण पुरा गर्ने लक्ष्य कम्पनीले लिएको छ ।
परिवर्तनीय अग्राधिकार शेयरका रुपमा अहिले उक्त जलविद्युत आयोजनामा लगानी गर्न सक्ने कम्पनीले जनाएको छ । उसका अनुसार लगानीकर्ताले अहिले कम्तीमा १ हजार कित्ता शेयर १ सय रुपैंयाका दरले खरिद गर्नु पर्नेछ भने आयोजना निर्माण सम्पन्न नहुञ्जेल लगानीकर्ताले वार्षिक ७ दशमलव ५ प्रतिशतका दरले शेयर प्रतिफल पाउने छन् । असार मसान्तदेखि कम्पनीले तल्लो खारेखोला जलविद्युत आयोजनाको अगा्रधिकार शेयर निष्काशन बन्द गर्नेछ ।
बुटवल उद्योग बाणिज्य संघका अध्यक्ष महेशमान सिंहले मुलुकको आर्थिक बिकासका मेरुदण्डका क्षेत्रहरु कृषि, उर्जा, उद्योग र पर्यटनमा लगानी जरुरी रहेको बताएका थिए । उनले यस्ता कार्यक्रमबाट आर्थिक विकास सम्भव भएको भन्दै युनिभर्सल पावर कम्पनीको प्रयासमा संघले हातेमालो गरेको उनको भनाई थियो ।
युनिभर्सल पावर कम्पनीले यस अघि लमजुंगकमा ४ दशमलव ४ मेघावाटको राधी, ४ मेघावाटको खुदी र १ सय ८३ वाटको स्याङ्गे जलबिद्युत आयोजना निर्माण गरिसकेको छ । तल्लो खारे खोला सहित लमजुगंमा १० दशमलव ३ मेघावाटको दोर्दी, रुकुममा ५ मेगावाटको रुकुमगढ र शंखुवासभामा ४५ मेगावाट क्षमताको कसुवा खोला जलविद्युत आयोजना निर्माण गरिरहेको छ ।
१५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु
