हाल छ अर्ब ४६ करोड चुक्ता पूँजी रहेको नेपाल बैंकमा नेपाल सरकारको स्वामित्व ६२ प्रतिशत रहेको छ । नेपाल बैंक संचालक समितिले रणनीतिक साझेदार भित्र्याउन अर्थ मन्त्रालयमा प्रस्ताब पेश गरेको अबस्थामा मन्त्री महराले सरकारले बैंकबाट लगानी झिक्ने घोषणा गर्नुभएको हो ।
नेपाल बैंकमा लगानी गर्न भारत, चीन र देशभित्रैका ब्यापारिक तथा ब्यवसायिक घरानाहरुले चासो दिएको बेला सरकारले बिनिबेश प्रक्रियाबाट नेपाल बैंकबाट बाहिरिने स्पष्ट पारेको हो ।
केही बर्ष अघि खराब कर्जाको भारीले बिघटनको डिलमा पुगेर फर्किएको नेपाल बैंक हालैका दिनहरुमा चमत्कारिक प्रगति गर्दै आएको छ । उसले चालु आर्थिक बर्षको दोस्रो त्रैमाससम्ममा एक अर्ब ९० करोड भन्दा बढी खुद नाफा गरेको छ भने निस्क्रिय कर्जा न्यु गर्दै पूँजी कोष बढाउँदै लगेको छ ।
