काठमाडौदेखि १३३ किलोमिटर उत्तरी भागमा रहेको रसुवा जिल्लामा अवस्थित छ । यसले दीर्घकालीन पीपीए मोडलमा विद्युत प्राधिकरणलाई विद्युत बिक्री गर्दै आएको छ । कम्पनीले प्राधिकरणलाई वार्षिक १५० जीडब्ल्युएच उर्जा उत्पादन गर्दै आएको छ ।
चिलिमेले अन्य ३ वटा सहायक कम्पनीहरु स्थापना गरी विद्युत उत्पादन गर्ने तयारी गरिरहेको छ । सहायक कम्पनीहरु निम्नानुसार छन् :
- रसुवागढी हाइडेपाओर कम्पनी लिमिटेड
- मध्यभोटेकोशी जलविद्युत कम्पनी लिमिटेड
- सान्जेन जलविद्युत कम्पनी लिमिटेड
माउ कम्पनी सहित ३ सहायक कम्पनीबाट भविष्यमा चिलिमेले २७०.३ मेगावाट विद्युत उत्पादन गर्ने लक्ष्य लिएको छ ।
पछिल्लो दिनमा चिलिमेको सेयर मूल्य स्थिरप्राय अवस्थामा छ । कम्पनीको सेयर मूल्य कता जाला त ? यो प्राविधिक विश्लेषण हेरौं ।
यहाँ देखाइएको रेखाचित्रले चिलिमेको वार्षिक मूल्यको गतिशीलतालाई देखाउँछ । जसले स्पष्ट रुपमा चिलिमेको सेयर मूल्य घट्दो प्रवृत्तिमा रहेको छ । १२०० रुपैयाबाट घट्दै गएको कम्पनीको प्रतिकित्ता सेयर मूल्य ८०० रुपैंयामा झरेको छ । सेयर मूल्य घट्नुमा सेयर मूल्य समायोजन पनि मुख्य कारण हो । जसमा आर्थिक बर्ष २०७३⁄७४ का लागि गरिएको नगद लाभांस १० प्रतिशत, बोनस शेयर १५ प्रतिशत रहेको छ ।
वार्षिक रुपमा कम्पनीको सेयर मूल्यमा आएको परिवर्तनलाई यसरी पनि हेर्न सकिन्छ । जहाँ सेयरमूल्य उतारचढावका संकेत निम्नानुसार छन् ।
- Above Rs.1200/- = SELL
- Above Rs.1000/- = HOLD
- Above Rs.800/- = HOLD
- Below Rs.800/- = BUY
चिलिमेको अन्तिम कारोबार मूल्य ७५७ रुपैया रहेको छ । जुन ८०० रुपैयाभन्दा कम हो । सेयर खरिद गर्दा ठिकै हुने अवस्थालाई यो सेयर मूल्यले संकेत गर्छ । तर हामीले बजार प्रवृत्तिलाई बिर्सनु पनि हुदैन, जुन घट्दो क्रममा रहेको छ । लगानीकर्ताहरुका लागि चिलिमेको हालको मूल्य सुरक्षित रहेको छ, तर दीर्घकालका लागि । यदि बजारको गति सकरात्मक बाटोमा परिवर्तन भएको खण्डमा चिलिमेको सेयर मूल्य ८०० रुपैयाको स्तर पार गर्न सक्ने देखिन्छ ।
त्यसैगरी चिलिमेले भविष्यमा १२०० रुपैंयासम्मको स्तर पार गर्ने क्षमता पनि राख्छ । जसका लागि धेरै समय लाग्न सक्छ । अहिलेको परिदृश्यमा चिलिमेमा ठुला लगानीकर्ताले थोरै रकम लगानी गर्दा उपयुक्त हुने देखिन्छ भने साना लगानीकर्ताले यसको मूल्य बढ्ने गतिलाई पर्खनु पर्ने हुन्छ । यसको तात्पर्य यो हो कि छाटो समयका लागि चिलिमेको सेयर उचित नहुन सक्छ ।
चिलिमेको विभिन्न समयको औसत सेयसमूल्य
बार चित्रमा चिलिमेको सेयर मूल्य ७०० देखि ९०० रुपैंयाको बिचमा तल माथि भैरहेको छ । मंगलबारको अन्तिम कारोबार मूल्य ७७३का आधारमा उल्लेखित चित्र तयार पारिएको छ । चित्रमा देखिएको ट्रेण्ड लाइन (पहेंलो धर्का) ले मंगलबारको सेयर मूल्य ट्रेण्ड लाईन भन्दा माथि रहेको देखाउँछ । बुधबार कम्पनीको सेयर अन्तिम पटक ७५७ मा कारोबार भएको छ ।
मेरोलगानी डाटा एनालिटिक्स स्टक पपुलारिटी टूल ले चिलिमेको सेयर मूल्य कस्तो देखाउँछ ? (१ महिनाको तथ्यांकमा आधारित)
मेरोलगानी डेटा एनालिटिक्सले चिलिमेको औसत सेयर मूल्य ८३८ रुपैंया ७४ पैसा रहेको देखाउँछ । गत मंगलबारसम्मको तथ्यांकका आधारमा सबैभन्दा धेरै खरिद गर्ने ब्रोकरले ८२७ रुपैंया ८७ पैसाको औसत मूल्यमा ३५ हजार २० कित्ता सेयर खरिद गरेको छ । त्यसै गरी सबैभन्दा धेरै बिक्री गर्ने ब्रोकरले १ महिनामा ८४३ रुपैंया ६९ पैसाको औसत मूल्यमा २४ हजार ८० कित्ता सेयर बिक्री गरेको देखिन्छ।
त्यसैगरी शिर्ष १० ब्रोकरहरुले चिलिमेको १ लाख ९५ हजार कित्ता सेयर उठाएका छन् भने बेच्ने शिर्ष १० ब्रोकरले १ लाख ७३ हजार कित्ता सेयर बिक्री गरेका छन् । यो तथ्यांकलाई हेर्दा चिलिमेको सेयरमा बिक्रीभन्दा खरिद चाप धेरै देखिन्छ । यसको अर्थ बिक्रेता हावी हुनु हो । जसले चिलिमेको सेयर मूल्यमा सकरात्मक प्रभाव छोड्न सक्छ ।
चिलिमको यो लेखले लगानीकर्ताहरुको ज्ञानका लागि फरक मूल्य सीमा र तथ्यांक विश्लेषणलाई झल्काउने कोशिष गरेको छ । उल्लेखित तथ्यांकहरुलाई अध्ययन गर्न र बुझ्न नसक्ने लगानीकर्ताले यो सामग्रीलाई धेरैभन्दा धेरै बुझ्ने जमर्को गरेर मात्र निर्णय गर्नुहोला । यो सामग्री कात्तिक २१ ग्ते मंगलबारको अन्तिम सेयर मूल्यका आधारमा तयार पारिएको छ ।
-----------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
