बजार घटाई तथा बढाई स्वभाविक कुरा भएकाले आफुहरुको चासो नभएको स्पष्ट पार्दै नीतिगत सुधार र पुर्वाधारमा मात्र ध्यान केन्द्रित गर्ने उनले बताए ।
स्वेत पत्रमार्फत पूँजी बजारको अबस्था र समस्या उजागर गरेका अर्थमन्त्रीले बजार सुधार तथा बिस्तारका विकल्पहरुबारे सरोकारवालाहरुसँग छलफल गरेका हुन् । साे अवसरमा सेयर दलाल तथा लगानीकर्ताहरुले अनलाईन कारोबार प्रणाली चाँडै कार्यान्वयनमा ल्याईदिए बजारका धेरै समस्याहरु समाधान हुने भन्दै अर्थमन्त्रीको ध्यानाकर्षण गराएका थिए ।
अर्थ मन्त्रालयले सरकारको आउने नीति तथा कार्यक्रम र बजेट मार्फत सेयर बजारको नीतिगत, पुर्वाधार र प्रविधिजन्य सुधारका कार्यक्रम ल्याउने अर्थमन्त्रीले बताएका छन् ।
अर्थमन्त्रीसँगको भेटमा स्टक ब्रोकर एशोसियशनका अध्यक्ष प्रियराज रेग्मी र सेयरलगानीकर्ता संघका अध्यक्ष उत्तम अर्यालसहितका पदाधिकारीकाे सहभागिता रहेकाे थियाे ।
