यसअघि एडीबीले ६ महिनाको समीक्षा गर्दै नेपालको आर्थिक बृद्धिदर ४.७ प्रतिशत रहने अनुमान गरेको थियो । सन् २०१९ मा भने नेपालको आर्थिक वृद्धिदर ५.५ प्रतिशत रहने अनुमान एडीबीको छ ।
सरकारले चालु आर्थिक बर्षमा ७.२ प्रतिशतको आर्थिक वृद्धिदरको लक्ष्य लिएको थियो । तर त्यसलाई मध्यावधि समिक्षामार्फत घटाएर ६ प्रतिशत रहने अनुमान गरेको छ । एडीबीले अर्थ मन्त्रालयले मध्यावधि समीक्षा मार्फत तय गरेको भन्दा एक प्रतिशत बढीले कम आर्थिक वृद्धि हुने प्रक्षेपण गरेको हो ।
तराइको बाढीले कृषि क्षेत्रमा असर गरेको र औद्योगीक क्षेत्रले बिजुली नपाउँदा नयाँ उत्पादन र नयाँ लगानी बढ्न नसकेका कारण आर्थिक वृद्धि सरकारी लक्ष्यभन्दा निकै कम हुने एडीबीको भनाई छ ।