फाउण्डेसनलाई सहयोग स्वरुप बालबालिकाहरु आफैले कोरेका तस्वीरहरु भएको क्यालेण्डरका साथै टेबल, मेचहरु प्रदान गरेको ज्योति लाइफले जनाएको छ ।
ज्योति लाइफले “सँधैं तपाईंको साथ” आर्ट क्याम्प मार्फत सडक बाल बालिकाहरुको जीवनमा थोरै रङ्ग र धेरै उत्साह थप्न चालेको प्रयासले थप सहयोग पुग्ने फाउण्डेसनले अपेक्षा गरिएको छ । आगामी दिनहरुमा समेत यस्ता सामाजिक क्रियाकलापहरुमा सक्रियताका साथ लाग्ने ज्योति लाइफले प्रतिवद्धता समेत ब्यक्त गरेको छ ।
ज्योति लाइफको सहकार्यमा बाल बालिकाहरुको उराठलाग्दो दैनिकीमा नयाँ रङ्ग भर्न उनीहरुलाई हाउस अफ प्यालेट्सको भ्रमण गराइएको थियो । जहाँ उनीहरुले खुशी र माया भनेको कस्तो हुन्छ भन्ने आफ्नो विचारमा रङ्ग भरेका थिए ।
सो रङ्गमय सन्ध्याका विशिष्ट अतिथि नायक राजेश हमालले प्रेरणादायी कुराकानी गरेर उनीहरुको हौसला बढाएको ज्योति लाइफले जानकारी दिएको छ ।
केही बालबालिकाहरुले उनीहरु जहाँबाट आएका थिए त्यही गाऊँको चित्र, आफ्नो परिवारको तस्वीर, नेपालको झण्डा र साथीभाइसँगको मित्रतालाइ चित्रमा उतारेका थिए । यसरी कोरिएका चित्रहरुलाई शुभकामना कार्ड मार्फत गरी नेपालभरी वितरण गरिएको थियो भने ज्योति लाईफको क्यालेण्डरमा समेत प्रयोग गरिएको ज्योति लाइफले जनाएको छ ।
