शेयर निष्काशन सम्बन्धि सम्झौतामा हाइड्रोपावरका कार्यकारी निर्देशक गणेश कार्की र सिभिल क्यापिटलका कामु प्रमुख कार्यकारी अधिकृत सुमन आचार्यले हस्ताक्षर गरेका हुन ।
हाइड्रोले कूल ४३ करोड ५० लाख रुपैयाँ बराबरको ४३ लाख ५० हजार कित्ता आएपिओ निष्काशन गर्नेछ । जसमध्ये १४ करोड ५० लाख रुपैयाँ बराबरको १४ लाख ५० हजार कित्ता स्थानीयलाई र २९ करोड रुपैयाँ बराबरको २९ लाख कित्ता सेयर सर्वसाधारणका लागि निष्काशन हुने कम्पनीले जनाएको छ ।
दोलखामा निर्माणाधीन सिंगटी खोला जलविद्युत् आयोजनाले एक वर्षभित्र विद्युत् उत्पादन गर्ने लक्ष्य लिएको छ । कालिञ्चोक गाउँपालिका–२ बाबरे र विगू–५ चिलंखामा पर्ने सोरुङ खोलामा बाँध बाँधेर १६ मेगावाट क्षमताको जलविद्युत् आयोजना निर्माण भैरहकाे छ ।
आयोजनामा सिभिल बैंकको नेतृत्वमा १० वटा बैंकले ऋण लगानी गरेका छन् । आयोजनाको कुल लागत ४ अर्ब ६३ करोड रहेको छ ।
