बैंकका तत्कालीन अध्यक्ष उत्तम प्रसाद द्धा तथा महाप्रबन्धक वीरेन्द्र श्रेष्ठ समेतले २३ करोड ७२ लाख बराबरको रकम हिनामिना गरेपछि संस्था समस्याग्रस्त भएको थियो । बैंकको तत्कालीन अध्यक्षको प्रमुख योजना तथा मिलेमतोमा विभिन्न नाममा नक्कली ऋणी तथा आफन्तलाई कमसल धितो राखि ऋण प्रवाह गरिएको थियो ।
साधारणसभामा आर्थिक वर्ष २०७०/७१ देखि २०७२/७३ को सञ्चालक समितिको प्रतिवेदन माथि छलफल गरि पारित गर्ने प्रस्ताव गरिएको छ । यस्तै लेखा परिक्षकको प्रतिवेदन सहित तीन आर्थिक वर्षको वासलात तथा आय व्यय, नाफा नोक्सान तथा नगद प्रवाह वितरण माथि पनि छलफल गरि पारित गर्ने प्रस्ताव गरिएको छ ।
साधारण सभाले आर्थिक वर्ष २०७३/७४ र २०७४/७५ को लेखापरिक्षण गर्न लेखापरिक्षकको नियुक्त गर्ने प्रस्ताव पारित गर्नेछ ।
चैतसम्म कस्तो छ बैंकको अवस्था ?
खराब कर्जाले गाँजेपछि नारायणी डेभलपमेन्ट बैंकलाई राष्ट्र बैंकले २०७० चैत २७ गते समस्याग्रस्त घोषणा गरेको थियो । बैंक समस्याग्रस्त घोषणा हुँदा बैंकमा ४१ करोड एक लाख पाँच हजार रुपैयाँ कर्जा रहेकोमा २०७४ चैतसम्म ६ करोड ८५ लाख ५५ हजार रुपैयाँमा रहेको छ ।
त्यसैगरि बैंक समस्याग्रस्त घोषणा हुँदा ११ हजार ६७७ खाताको ८२ करोड ८५ लाख निक्षेप फिर्ता गर्नुपर्ने रहेकोमा २०७४ पुससम्म ११ हजार २३५ खाताको १२ करोड ९० लाख ३१ हजार रुपैयाँमा घटाएको छ ।
२०७४ चैत मसान्तसम्म बैंकको निष्कृय कर्जा अनुपात ९५.५२ प्रतिशत र पूँजीकोष अनुपात ११. ९१ प्रतिशत रहेको छ ।
नियमन, सुपरिवेक्षण र संस्थागत सुशासनको कमी, आन्तरिक ऋण प्रवाह, राजनीतिक प्रभाव, रियल स्टेट तथा अनुत्पादकत्व क्षेत्रमा अधिक लगानी, आन्तरिक नियन्त्रणमा कमी जस्ता प्रमुख कारणहरुले बैंक तथा वित्तीय संस्थाहरु संकटग्रस्त बनेका थिए ।
