ती कम्पनीका शेयर अघिल्लो वर्षको तुलनामा ठूलो मात्रामा घटे पनि जलविद्युत्, बैंक तथा वित्तीय संस्थाको तुलनामा भने कमै रहेको छ ।
निर्जीवन बीमा र जीवन बीमा कम्पनीमा लगानी गर्ने लगानीकर्ताले विगतको तुलनामा केही घाटा व्योहोरेका छन् । अरु कम्पनीका तुलनामा भने उनीहरुको लगानी हालसम्म कम जोखिममा नै रहेको देखिन्छ ।
दोस्रो बजारमा शेयर खरिद गर्नेले केही घाटा व्योहोरेको भए पनि साधारण शेयर खरिद गर्नेलाई भने बीमाको शेयरले केही फरक परेको छैन । नेपालमा बीमाको अझै ठूलो बजार रहेको र आम नागरिक सहभागी भइ नसकेकाले लगानीको अवसर बढी छ ।
स्टकका अनुसार जीवन बीमा गर्दै आएका एशियन लाइफ इस्योरेन्स कम्पनीको शेयर साउन २१ गते साेमबार प्रतिकित्ता ६३० रुपैयाँमा कारोबार भइरहेको छ । सो कम्पनीको शेयर गत वर्षको तुलनामा ९९८ रुपैयाँले घटेको छ । गत वर्ष सो कम्पनीको शेयर एक हजार ६२८ रुपैयाँमा कारोबार भएको थियो ।
यस्तै जीवन बीमा गर्दै आएको गुराँस लाइफ इन्स्योरेन्स कम्पनीको शेयर प्रतिकित्ता ८३६ रुपैयाँमा कारोबार भइरहेको छ । यो कम्पनीको पनि गत वर्षको तुलनामा ठूलो कमी आएको हो । गत वर्ष एक हजार १६९ रुपैयाँमा कारोबार भएको शेयर आइतबार भने प्रतिकित्ता ३३३ रुपैयाँले घटेर ८३६ रुपैयाँ कायम भएको छ ।
यस्तै लाइफ इन्स्योरेन्स कम्पनीको शेयर प्रतिकित्ता एक हजार ६०० मा कारोबार भइरहेको छ । गत वर्षको साउनमा सो कम्पनीको शेयर प्रतिकित्ता दुई हजार ४१६ रुपैयाँमा खरिद बिक्री भएको थियो । यस्तै नेशनल लाइफ इन्स्योरेन्स कम्पनीको शेयर प्रतिकित्ता ७६० रुपैयाँमा कारोबार भइरहेको छ । गत वर्ष साउनमा सो कम्पनीको शेयर दुई हजार ४० रुपैयाँमा खरिद बिक्री भएको थियो ।
स्टकका अनुसार नेपाल लाइफ इन्स्योरेन्स कम्पनीको शेयर प्रतिकित्ता एक हजार पाँच रुपैयाँमा खरिद बिक्री भइरहेको छ । गत वर्ष सो कम्पनीको शेयर प्रतिकित्ता दुई हजार २३६ रुपैयाँमा खरिद बिक्री भएको थियो ।
प्राइम लाइफ इन्स्योरेन्स कम्पनीको शेयर भने केही कमजोर रहेको छ । सो कम्पनीको शेयर ५१७ रुपैयाँमा खरिद बिक्री भइरहेको छ । गत वर्ष सो कम्पनीको शेयर प्रतिकित्ता दुई हजार ७०० रुपैयाँमा कारोबार भएको थियो ।
सूर्य लाइफ इन्स्योरेन्स कम्पनीको शेयर प्रतिकित्ता ५५० रुपैयाँमा खरिद बिक्री भइरहेको छ । सो कम्पनीको गत वर्ष एक हजार १७० रुपैयाँमा खरिद बिक्री भएको थियो ।
नेपाल लाइफ इन्स्योरेन्सका प्रमुख कार्यकारी अधिकृत विवेक झा विगतको तुलनामा बीमा क्षेत्रको शेयरमा कमी आए पनि लगानीकर्ताको विश्वास भने कायमै रहेको बताउँछन् ।
उनले भने “बीमा क्षेत्रमा लगानीको अझै ठूलो अवसर छ । धेरै ठाउँमा बीमा पुग्न सकेको छैन । गत वर्षको तुलनामा बीमा कम्पनीका शेयर केही घटे पनि लगानीकर्ताको विश्वास भने उस्तै रहेको छ ।” बीमा क्षेत्रलाई अझै व्यवस्थित गर्नसके लगानीका थप अवसर सिर्जना हुने उनको भनाइ छ ।
निर्जीवन बीमातर्फ हिमालयन जनरल इस्योरेन्स कम्पनीको शेयर प्रतिकित्ता ४२७ रुपैयाँमा कारोबार भएको छ । गत वर्ष सो कम्पनीको शेयर ८२० रुपैयाँमा खरिद बिक्री भएको थियो । आइएमर्इ जनरल इन्स्योरेन्स कम्पनीको शेयर प्रतिकित्ता ८१९ रुपैयाँमा खरिद बिक्रीमा छ । गत वर्ष साउनमा सो कम्पनीको शेयर एक हजार २६० रुपैयाँमा खरिद बिक्री भएको थियो ।
लुम्बिनी जनरल इस्योरेन्सको शेयर ५१४ रुपैयाँमा कारोबार भएको छ । गत वर्ष सो कम्पनीको शेयर प्रतिकित्ता एक हजार १० रुपैयाँमा खरिद बिक्री भएको थियो ।
यस्तै नेको इन्स्योरेन्सको प्रतिकित्ता ५२० रुपैयाँ, एनएलजीको ८४५ रुपैयाँ, प्रभु इन्स्योरेन्सको ४९७ रुपैयाँ, प्रिमियर इन्स्योरेन्सको एक हजार ३७ रुपैयाँ र प्रुडेन्सियल इन्स्योरेन्सको ७३३ रुपैयाँमा कारोबार भइरहेको छ ।
यस्तै राष्ट्रिय बीमा कम्पनीको शेयर प्रतिकित्ता १० हजार ३५६ मूल्यमा खरिद बिक्री भइरहेको छ । गत वर्ष सो कम्पनीको शेयर १७ हजार ८०० रुपैयाँमा खरिद बिक्री भएको थियो ।
सगरमाथा इन्स्योरेन्स कम्पनीको शेयर एक हजार ३२५ रुपैयाँमा खरिद बिक्री भइरहेको छ । गत वर्ष एक हजार ७६० रुपैयाँमा खरिद बिक्री भएको थियो ।
शिखर इन्स्योरेन्स कम्पनीको शेयर ९१५ रुपैयाँमा खरिद बिक्री भइरहेको छ । सिद्धार्थ इन्स्योरेन्सको ६६० रुपैयाँ र युनाइटेड इन्स्योरेन्सको शेयर प्रतिकित्ता ८७१ रुपैयाँमा खरिद बिक्री भइरहेको छ ।