शेयरमा लगानी गर्न धेरै रकम पनि नचाहिने भएकोले दशैं, तिहारमा जम्मा भएको दक्षिण जोगाएर पनि शेयर भर्न सकिन्छ । साधारण शेयर र हकप्रदमा प्रति कित्ता एक सय रुपैयाँका दरले आबेदन दिन सकिन्छ ।
अहिले सम्म नेपाल धितोपत्र बोर्डमा ५ करोड ५८ लाख ५६ हजार ५७१ कित्ता साधारण शेयरको लागि आबेदन परेको छ । जस मध्ये २ कम्पनीको १ करोड १२ लाख १५ हजार कित्ता शेयरले स्वीकृती पाइसकेको छ । हिमालयन उर्जाले भने कार्तिक ६ गते देखि नै आइपिओ निष्कासन गर्दैछ ।
बाँकी २२ कम्पनीले ४ अर्ब ५६ करोड रुपैयाँ बराबरको ४ करोड ५६ लाख ४१ हजार ५७१ कित्ता शेयरका लागि धितोपत्र बोर्डवाट आबेदन दिएको छ । बोर्डवाट आबेदन स्वीकृत भएपश्चात कम्पनीहरुले सर्वसाधारणलाई शेयर जारी गर्नेछन् ।
यस्तै ३ करोड ९९ लाख ९२ हजार ९९४.५ कित्ता हकप्रद शेयरको लागि पनि बोर्डमा आबेदन परेको छ । जसमध्ये ३ कम्पनीका १६ लाख ९० हजार २५० कित्ता बोर्डवाट स्वीकतृ पाइसकेको छ ।
बाँकी ८ कम्पनीको ३ करोड ८३ लाख २ हजार ७४४.५० कित्ता हकप्रदको लागि आबेदन परेको छ । हकप्रद शेयरमा भने सम्बन्धीत कम्पनीका हकप्रद प्रयोजन लागि तोकिएको बुक क्लोज भन्दा अगाडि कायम शेयरधनीले आबेदन गर्न सक्नेछन् ।
