आगामी चैत्र १७ गते सावाँ तथा व्याज भुक्तानी हुने सो रिपो बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाले आइतबार अपराह्न ३ बजेभित्र अनलाइन बिडिङ्ग मार्फत सहभागिता जनाउन सक्ने राष्ट्र बैंकले जनाएको छ।
रिपो बोलकबोलमामा मास्टर पर्चेज एग्रिमेन्ट अनिवार्य गरिएको छ।आइतबार नै बोलकबोल गरेर सोही दिन जारी हुने राष्ट्र बैंकले जनाएको छ। बोलकबोलमा परेको बोलकबोलबाट भारित औषतमा व्याजदर निर्धारण गरिने राष्ट्र बैंकको राष्ट्र ऋण व्यवस्थापन विभागले जानकारी दिएको छ।
चैत्र १७ गते परिपक्व हुने यस रिपोको ब्याजदर ५ प्रतिशत तोकिएको छ। बैंकिङ्ग प्रणालीमा तरलता अभाव देखिए पश्चात केन्द्रीय बैंकले रिपोमार्फत अल्पकालीन अवधिको तरलता प्रवाह गरेकाे हाे।
बैंक तथा वित्तीय संस्थाहरुमा तरलता अभाव हुँदा केन्द्रीय बैंकले समय समयमा रिपोमार्फत बजारमा पैसा पठाउने गर्दछ। यस्तै बैंकिङ्ग प्रणालीमा अधिक तरलता भएमा रिर्भस रिपो मार्फत तरलता प्रशोचन गर्ने गर्दछ।
रिपोले बैंक तथा वित्तीय संस्थाहरुको अन्तर बैंक ब्याजदर घटाउन समेत सहयोग पुर्याउने गर्दछ।