बैंकको चुक्ता पूँजी २ अर्ब ४ करोड रहेकोमा १० प्रतिशत बोनस जारीपछि झण्डै २ अर्ब २५ करोड पुग्नेछ । बैंकले गत आर्थिक बर्षमा १ अर्ब ३७ करोड रुपैयाँ खुद नाफा गरी प्रति शेयर आम्दानी ६७ रुपैयाँ कायम गरेको थियो । बैंकको जगेडा कोषमा ३ अर्ब ९३ करोड र निस्क्रिय कर्जा अनुपात ०.४८ प्रतिशत रहेको छ ।
विदेशी साझेदारी भएकाले यस बैंकका संचालकहरुले पनि बोनस शेयर भन्दा नगद लाभांशमै जोड दिएका छन् । स्वदेशी लगानीकर्ताहरुको बाहुल्यता रहेको बैंक तथा बित्तीय संस्थाहरुले बोनस शेयर धेरै दिने गरेकाले सर्वसाधारण लगानीकर्तामा त्यस्ता संस्थाहरुको प्रतिफल घोषणा उत्साहजनक हुने गरेको पाईएको छ ।
उता, पोखरामा मुख्य कार्यालय रहेको फे्वा फाईनान्सले पनि लगानीकर्तालाई २० प्रतिशत बोनस शेयर र १०.५ प्रतिशत नगद लाभांश दिने प्रस्ताव गरेको छ । ३३ करोड रुपैयाँ चुक्ता पूँजी रहेको फाईनान्सले गत आर्थिक बर्षमा ९ करोड ३३ लाख खुद नाफा गरी प्रति शेयर आम्दानी २८ रुपैयाँ कायम गरेको थियो ।
