कम्पनीले रसुवाको चिलिमे आयोजनाबाट ४२ मेगावाट विद्युत उत्पादन गरिरहेको छ भने सिन्द्युपाल्चोक र रसुवामा निर्माणधिन थप ४ आयोजनाबाट २ सय ७० मेगावाट विद्युत उत्पादन हुने छ । जलाशयमा आधारित सहित केही आयोजनाहरुको सर्वेक्षण पुरा भई अनुमति लिने प्रक्रियामा रहेको बताईएको छ । निर्माणधिन आयोजनाहरु भने २०१७ सम्ममा पुरा गरिने छ । कम्पनीका प्रबन्ध निर्देशक कुलमान घिसिङलाई विद्युत प्राधिकरणले फिर्ता गरेपछि ती आयोजना निर्माणमा देखिएको बिबाद क्रमशः साम्य हुँदै गई निर्माण प्रक्रियाले गति लिएको दावी पनि गरिएको छ ।
कम्पनीले गत बर्षको नाफाबाट लगानीकर्तालाई २० प्रतिशत बोनस शेयर र १५ प्रतिशत नगद लाभांश दिने निर्णय साधारणसभाबाट पारित गराएको छ । कम्पनीको चुक्ता पूँजी अब २ अर्व ७२ करोड ५६ लाख पुगेको छ भने संचित कोषमा ३ अर्व ६६ करोड ८९ लाख रहेको छ । आर्थिक वर्ष २०६९ / ०७० मा कम्पनीको नाफा ९६ करोड ५० लाख रहेको थियो भने गत बर्ष झण्डै ९४ करोड पुगेको छ । कम्पनीले आर्थिक वर्ष ०६९/०७० मा विद्युत विक्रि वापत ९६ करोड ८५ लाख प्राप्त गरेको थियो भने गत बर्ष ९८ करोड ५० लाख प्राप्त भएको जनाईएको छ ।