मंगलबार नेप्से २.२१ अंकले बढेर हालसम्मकै उच्च विन्दु १४३०.८१ अंकमा पुगेको छ । यसदिन बजारमा १३३ कम्पनीको ८२ करोड ३६ लाख रुपैयाँ बराबरको शेयर किनबेच भएको छ ।
होटल, अन्य र वाणिज्य बैंक समुहले उचालेको बजारमा वाणिज्य बैंक समुहको मात्रै ४५ करोड बढीको शेयर किनबेच भएको छ । तेस्रो त्रैमासमा वाणिज्य बैंकहरुको आर्कषक नाफासहितको विवरण प्रकाशीत हुने आशामा पनि लगानीकर्ता वाणिज्य बैंकतर्फ मोडिएका छन् ।
चालु आर्थिक बर्षको तेस्रो त्रैमासमा ७२ करोड खुद मुनाफा गरेको विवरण सार्वजनिक गरेको सिटिजन्स बैंकको मंगलबार शेयरमुल्य बढेर सर्वाधिक कारोबार भएको छ ।
सिटिजन्सको ८ करोड १८ लाख रुपैयाँ बराबरको १ लाख ६ हजार कित्ता शेयर खरिदबिक्री भएको छ । यो बैंकको शेयरमूल्य समेत ४.१७ प्रतिशत अर्थात प्रतिकित्ता ३१ रुपैयाँले बढेर ७७५ रुपैयाँ पुगेको छ ।
आजै दशौ बर्षमा प्रवेश गरेको बैंकले वैशाख महिनाभित्रै ५५ प्रतिशत हकप्रद शेयर जारी गर्ने उदघोष गरेकाले पनि बैंकको कारोबार उच्च भएको हो ।
यसपछि सबैभन्दा धेरै नेपाल बंगलादेश बैंक र नबील बैंकको कारोबार भएको छ । यी दुवै बैंकको चार करोड बढीको कारोबार भएको छ । इन्भेष्टमेन्ट बैंकको पनि संस्थापक र साधारणगरि चार करोड बढीको कारोबार भएको छ ।
यसैगरि सानिमा, एभरेष्ट, एन्आईशी एशिया बैंकले ३ करोड बढीको कारोबार गर्दा स्ट्याण्र्डड चार्टडले २ करोड बढीको कारोबार गरेको छ । यसदिन नेशनल हाइड्रो पनि ३ करोड बढीको शेयर किनबेच भएको छ ।
बढेको बजारमा सप्तकोषी डेभलपमेन्ट बैंकका लगानीकर्ताले सबैभन्दा धेरै कमाएका छन् । यो बैंकको शेयरमुल्य झण्डै दश प्रतिशतको हाराहारीमा बढेको छ ।यसैगरि सेवा विकास बैंक, ओरिन्टयल होटल, नेशनल हाइड्रो, महिला सहयात्रा, सिटिजन्स बैंक लगायतका कम्पनी धेरै कमाउनेमा परेका छन् ।
मंगलबारको कारोबारमा वरुण हाइड्रोका लगानीकर्ताले सबैभन्दा धेरै गुमाएका छन् । यसैगरि लुम्बिनी फाइनान्स, आईसीएफसी फाइनान्स, स्वोरजगार लघुवित्त तथा जेबिल्स फाइनान्स लगायतका कम्पनीको शेयर मुल्य धेरै घटेको छ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................
जलविद्युत आयोजनामा गर्ने हैन त लगानी ?
