कम्पनीको जगेडा कोष १३ करोड आठ लाखबाट २८ करोड ८५ लाख रुपैयाँमा बढेको छ । कम्पनीको खुद नाफा ४६ लाख बढाएर सात करोड दुई लाख रुपैयाँ पुर्याएको छ । गत वर्षको यही अवधिमा कम्पनीले ६ करोड ५६ लाख खुद नाफा कमाएको थियो ।
यसअवधिमा कम्पनीले ४५ करोड ६६ लाख रुपैयाँ खुद बीमा शुल्क आर्जन गरि १९ करोड दुई लाख रुपैयाँ खुद दाबी भुक्तानी गरेको छ । गत बर्ष कम्पनीले ३२ करोड ३४ लाख खुद बीमा शुल्क १६ करोड आठ लाख खुद दाबी भुक्तानी गरेको थियो ।
सगरमाथाले ६३ हजार ४७२ संख्या बीमालेखबाट ८६ करोड तीन लाख रुपैयाँ कुल बीमा शुल्क आर्जन गरेको छ । गत वर्ष ६५ करोड ६० लाख रुपैयाँ रहेको थियो ।
५३ करोड ८२ लाख ९२ हजार रुपैयाँ चुक्ता पूँजी सगरमाथाले पुनर्बिमा कमिशनबाट ११ करोड २० लाख रुपैयाँ आम्दानी गरेको छ । त्यस्तै बीमा कोष ९ करोड ७० लाख बढेर ४८ करोड ८७ लाख पुगेको छ ।
यस अवधिमा कम्पनीले ५२ करोड ८७ लाख रुपैयाँ कुल दाबी भुक्तानी गरेको छ भने ७१ करोड ५५ लाख रुपैयाँ दाबी भुक्तानी हुन बाँकी देखिन्छ । इन्स्योरेन्सको प्रतिसेयर आम्दानी १३ रुपैयाँ ०५ पैसा तथा प्रतिसेयर नेटवर्थ २५२ रुपैयाँ ९५ पैसा छ ।