राष्ट्र बैंकका अनुसार चैत्र मसान्तसम्ममा वाणिज्य बैंकहरुले कुल २० खर्ब ३ अर्ब कर्जा परिचालन गरेका छन् । जसमध्ये राष्ट्र बैंकले कुल १९ खर्ब ७० अर्ब असल कर्जामा राखेको छ भने ३३ अर्ब रुपैयाँ निष्क्रिय कर्जा रहेको उल्लेख गरेको छ ।
कुल असल कर्जामध्ये ३७ अर्ब रुपैयाँ राष्ट्र बैंकले सुक्ष्म निगरानीमा राखिएको उल्लेख गरेको छ ।
त्यस्तै राष्ट बैंकले ३३ अर्ब निष्क्रिय कर्जामध्ये १५ अर्ब खराब, १० अर्ब कमसल, ७ अर्ब शंकास्पद र एक अर्ब पुनरतालिकीकरण गरिएको उल्लेख गरेको छ ।
वाणिज्य बैंकहरुले कुल कर्जा नोक्सानी व्यवस्थामा ४४ अर्ब रुपैयाँ राखेको छन । उनीहरुको निष्क्रृय कर्जा अनुपात १.७ प्रतिशत रहेको छ ।
त्यस्तै नेपाल राष्ट्र बैंकले बाणिज्य बैंकहरुको प्राथमिकता प्राप्त क्षेत्रमा गरिएको लगानी घटेको विवरण सार्वजनिक गरेको छ । वाणिज्य बैंकहरुले कुल कर्जाको २५ प्रतिशत यसक्षेत्रमा लगानी गर्नुपर्नेमा २१.७ प्रतिशत मात्र लगानी गरेका छन् ।
वणिज्य बैंकहरुले कृषिमा १० प्रतिशत कर्जा लगानी गर्नुपर्नेमा ७.३ प्रतिशत मात्र लगानी गरेका छन् । जलविद्युत, उजाए र पर्यटन क्षेत्रको लगानी पनि लक्ष्य भन्दा कम रहेको छ । यस क्षेत्रमा पाँच प्रतिशत लगानी गर्नुपर्नेमा साढे तीन प्रतिशतसम्म मात्र लगानी गरेका छन् ।
अन्य क्षेत्र अन्तर्गतको निर्यात मुलुक, साना तथा मझौला, औषधि उत्पादन, सिमेन्ट र ग्रामेन्ट उद्योगमा भने बैकहरुको लगानी लक्ष्य भन्दा धेरै रहेको छ ।
नौ महिनामा झण्डै दुई अर्ब शेयर मार्जिन कर्जा प्रवाह, कुल ४२ अर्ब नाघ्यो
