झेंगफले एउटा अन्तवार्ताका क्रममा भने, अमेरिकाको आचरण आपत्तिजनक रहेको छ र त्यो कुनै पनि हालतमा सह्य हुनेछैन । अमेरिकाले हुवावेलाई दबाएर कम्पनीलाई हानी पुर्याउन नसक्ने झेंगफले बताए ।
हुवावेकी उपप्रमुख मेंगलाई गत वर्ष डिसेम्बर १ मा क्यानडबाट पक्राउ गरिएको थियो । अमेरिकाको आदेशका आधारमा मेंगलाई पक्राउ गरिएको बताइएको थियो ।
इरानमाथि अमेरिका र यूरोपेली देशहरुले लगाएको प्रतिबन्धको उल्लंघन गरेर वित्तिय संस्थालाई धोकामा राख्ने षडयन्त्र रचेको भन्दै अमेरिकाले मेंगमाथि धोकाधडीको अभियोग लगाउदै आएको थियो ।
यसका साथै अमेरिकाले हुवावेमाथि चीनको इशारामा काम गरेको र व्यापार गोपनिया चोरेको पनि आरोप लगाएको छ । तर कम्पनीले यि तमाम आरोपहरु अस्वीकार गर्दे आइरहेको छ ।
अमेरिकाले हुवावेको उपकरणका माध्यमबाट अमेरिकाका मानिसहरुको जासुसी गर्न सकिने बताएको छ । अमेरिकाको उक्त भनाईमाथि हुवावेका संस्थापकले आफ्नो कम्पनी कहिल्यै पनि यस्तो गतिविधिमा शामिल नहुने बताएका छन् ।
अमेरिकाले विगत केही दिनदेखि आफ्ना सहयोगी निकटका देशहरुलाई पनि हुवावेका उपकरणहरु प्रयोग नगर्नका लागि भनेको थियो । रेन झेंगफेले भने, हामी विकसित छौँ त्यसैले दुनियाँ हामीलाई उपेक्षा गर्न सक्दैन । यद्यपी अमेरिकाले अन्य देशहरुलाई पनि हाम्रा विरुद्ध उचालिरहेको छ ।
हुवावेमाथि अमेरिकी आरोपका कारण ब्रिटेनले पनि कम्पनीको उपकरणमाथि रोक लगाउने भन्ने चर्चा चलिरहेको थियो । तर एक रिपोर्टका अनुसार त्यहाँका सुरक्षा अधिकारीहरु कम्पनीलाई पूर्ण रुपमा प्रतिबन्ध गर्ने पक्षमा छैनन ।
हुवावेका संस्थापकका अनुसार, उनको कम्पनीले ब्रिटेनमा आफ्नो लगानी जारी राख्नेछ । उनले भने, अमेरिकाले हामीलाई विश्वास गरेन भने हामी अमेरिकामा गरिएको लगानी पनि ब्रिटेनमा स्थानान्तरण गर्नेछौँ र त्यहाँ पहिलेको भन्दा पनि धेरै लगानी विस्तार गर्नेछौँ । एजेन्सी
