चालु आर्थिक वर्षको चैत मसान्तसम्ममा कम्पनीले ६२ करोड ९० लाख रुपैयाँ सञ्चालन आम्दानी गरेको छ। यो गत आर्थिक वर्षको सोही अवधिको तुलनामा ४१.६६ प्रतिशत बढी हो। गत आर्थिक वर्षको सोही अवधिसम्ममा कम्पनीको यसे आम्दानी ४४ करोड २ लाख रुपैयाँ थियो।
गत आर्थिक वर्षको पहिलो ९ महिनासम्ममा १ करोड ५८ लाख रुपैयाँ ऋणात्मक रहेको कम्पनीको खुद नाफा चालु आर्थिक वर्षको सोही अवधिसम्ममा ७ करोड ७७ लाख रुपैयाँ धनात्मक भएको छ।
सञ्चालन आम्दानी बढेसँगै कम्पनीको खुद नाफा धनात्मक हुन पुगेको हो।
समीक्षा अवधिमा कम्पनीको अन्य आम्दानी ५०.०२ प्रतिशत बढेको छ भने कुल आम्दानी ५१.०४ प्रतिशत बढेको छ। कम्पनीको खर्च समीक्षा अवधिमा ३९.४२ प्रतिशत बढेको छ।
नाफासँगै कम्पनीको प्रतिशेयर आम्दानी पनि धनात्मक भएको छ। समीक्षा अवधिमा कम्पनीको यस्तो आम्दानी १ रुपैयाँ ३८ पैसा ऋणात्मकबाट बढेर ६ रुपैयाँ ७६ पैसा धनात्मक भएको छ। चैत मसान्तसम्ममा कम्पनीको प्रतिशेयर नेटवर्थ ७९ रुपैयाँ ९३ पैसा रहेको छ भने मूल्य आम्दानी अनुपात १७०.२८ गुणा रहेको छ।
१ अर्ब ५३ करोड ४० लाख रुपैयाँ चुक्ता पूँजी रहेको यस कम्पनीको जगेडा कोष ३० करोड ७८ लाख रुपैयाँ ऋणात्मक रहेको छ।