समीक्षा अवधिमा लघुवित्तको खुद बीमाशुल्क ९.२९ प्रतिशत बढेको छ। गत आर्थिक वर्षको चैत मसान्तसम्ममा १ अर्ब १३ करोड रुपैयाँ रहेको इन्स्योरेन्सको खुद बीमाशुल्क, चालु आर्थिक वर्षको सोही अवधिसम्ममा बढेर १ अर्ब २३ करोड रुपैयाँ पुगेको छ। सो अवधिसम्ममा इन्स्योरेन्सले ७० करोड ५५ लाख रुपैयाँ खुद दाबी भुक्तानी गरेको छ।
गत आर्थिक वर्षको पहिलो ९ महिनामा ३६ करोड ७० लाख रुपैयाँ रहेको इन्स्योरेन्सको खुद नाफा चालु आर्थिक वर्षको सोही अवधिसम्ममा ६.५२ प्रतिशत घटेर ३४ करोड ३१ लाख रुपैयाँमा सीमित भएको छ।
नाफासँगै इन्स्योरेन्सको प्रतिशेयर आम्दानी पनि घटेको छ। चैत मसान्तसम्ममा कम्पनीको यस्तो आम्दानी १० रुपैयाँ ६० पैसा घटेर १७ रुपैयाँ २३ पैसामा झरेको छ। इन्स्योरेन्सको प्रतिशेयर नेटवर्थ १८९ रुपैयाँ १७ पैसा रहेको छ भने मूल्य आम्दानी अनुपात ४१.९५ गुणा रहेको छ।
२ अर्ब ६५ करोड चुक्ता पूँजी रहेको यस इन्स्योरेन्सको जगेडा कोषमा ६३ करोड ६२ लाख रुपैयाँ, बीमा कोषमा १ अर्ब ५८ करोड रुपैयाँ र महाविपत्ती कोषमा १४ करोड ८० लाख रुपैयाँ सञ्चित छ।
