मंगलबार नेप्से ५.१६ अंकले बढेर १५३२.१२ विन्दुमा पुगेको छ । १३६ कम्पनीको कारोबार भएको बजारमा एक अर्ब ३२ करोड २६ लाख रुपैयाँको सेयर किनबेच भएको छ । बजारमा वाणिज्य बैंक, बीमा र वित्त समुह नकरात्मक रहेपनि जलविद्युतमा आएको उच्च वृद्धि र वाणिज्य बैंक, बीमा र वित्त बाहेकका अन्य समुह सकारात्मक रहेपछि बजार घट्न पाएन ।
सरकारी लगानीका जलविद्युत आयोजनामा जनसहभागिता बढाउने सरकारले बजेटमार्फत घोषणा गरेपछि लगानीकर्ताहरु त्यसतर्फ ओइरिएका छन् । बजेट पश्चात शेयरबजारमा जलविद्युत समुहमा आएको निरन्तरको वृद्धिले लगानीकर्ताको विश्वास बढाएको देखिएको छ । बजेटले जलविद्युलाई प्राथमिकतामा राखेकाले पनि यसप्रति आर्कषण बढेको देखिन्छ । कतिपय कम्पनीको भने हकप्रदको चर्चाले भने बजार भाउ उकासीएको विश्लेषण गरिएको छ ।
२२७ अंकले बढेको जलविद्युत समुहको मात्रै ३६ करोड ९५ लाख रुपैयाँ बराबरको शेयर कारोबार भएको छ । यसदिन उच्च कारोबार गर्ने र धेरै कमाउनेको सूचीमा पनि जलविद्युतकै दबदबा देखिएको छ । तीन कम्पनीको शेयरमूल्य नै दश प्रतिशतले बढेको छ ।
बजारमा चिलिमे हाइड्रको सबैभन्दा वढि १४ करोड ४२ लाख रुपैयाँको किनबेच भएको छ । यसपछि उच्च कारोबार गर्ने नेशनल हाइड्रको ८ करोड ९५ लाख रुपैयाँ बराबरको शेयर किनबेच भएको छ । सिटजन्सले ८ करोड ७५ लाखको कारोबार गर्दा सानिमाको ७ करोड ७२ लाखको शेयर कनिबेच भएको छ । बुटवल पावर कम्पनीको पनि ५ करोड ७७ लाखको कारोबार भएको छ । उच्च करोबार गर्ने दश कम्पनीको अग्रस्थानमा जलविद्युत समुह अगाडि देखिएको छ ।
यस दिनको बजारमा रिडी हाइड्रो, अरुण भ्याली हाइड्रो र वरुण हाइड्रोका लगानीकर्ताले सबैभन्दा धेरै कमाएका छन् । यी तीनै कम्पनीको शेयरमूल्य दश प्रतिशतले बढेको छ ।त्यस्तै अपि, सानिमा हाइड्रो, चिलिमे र नेशनल हाइड्रो कम्पनी पनि धेरै कमाउने कम्पनीको दश सूचीमा परेका छन् । धेरै कमाउने दश कम्पनीमध्ये सात कम्पनी जलविद्युत समुहकै देखिएका छन् ।
मंगलबारको बजारमा लुम्बिनी जनरल इन्स्योरेन्सका लगानीकर्ताले सबैभन्दा धेरै गुमाएका छन. ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................
१५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु