गत कात्तिक २९ गते डिष्टीलरी सञ्चालक समितिको बैठक बसेको थियो । उक्त बैठकले साधारण सभाको मिति तय गर्दै 
लाभांस प्रस्ताव गरेको थियो । तर कम्पनीले उक्त सूचना ६ गते बिहीबार मात्र नेपाल स्टक एक्सचेञ्ज मार्फत सार्वजनिक गरेको थियो ।
नेप्सेले कम्पनीको कृयाकलाप संकास्पद भएको भन्दै कारोबार रोकिएको जनाएको छ । सञ्चालक समितिले गरेको निर्णय ढिलो नेप्सेलाई पठाएको हुनाले सोको अनुसन्धानका लागि कारोबार रोक्का गरिएको नेप्सेले मेरोलगानीलाई बताएको छ । अब कहिले कारोबार सुचारु हुन्छ भन्ने निश्चित छैन ।
डिष्टीलरीले मंसिर २९ गते बीरगञ्जमा साधारण सभा बोलाएको छ । गत आर्थिक वर्षको कमाईबाट लगानीकर्तालाई २१.०५ प्रतिशत नगद लाभांस बितरण गर्ने प्रस्ताव कम्पनीले गरेको छ । लाभांस प्रस्ताव गरेको सातासम्म सोको निर्णय सार्वजनिक नगर्नुले इन्साइडर ट्रेडिगं भएको अनुमान गरिएको छ । कम्पनीले साधारण सभाका लागि मंसिर १५ गतेदेखि सेयरधनी पुस्तिका बन्द गर्दैछ ।
