समीक्षा अवधिमा बैंकले २६ करोड २१ लाख रुपैयाँको चुक्ता पूँजी ४१ करोड ८१ लाख पुर्याएको छ । बैंकले व्यवसाय विस्तार गर्न नसक्नु, ब्याज खर्चमा भएको बढोत्तरी र कर्मचारी खर्च र अन्य सञ्चालन खर्चको बोझ बढ्दा पूँजी वृद्धिकाे असर बैंककाे प्रतिसेयर आम्दानीमा संकुचन ल्याउने कारण बनेको छ ।
गत बर्ष चैतमा १२ रुपैयाँ ९९ पैसा रहेको बैंकको प्रतिसेयर आम्दानी ५ रुपैयाँ ७८ पैसामा झरेको छ भने भने अन्य सूचकहरु खराब कर्जा अनुपात १.३६ प्रतिशतमा बढेकाे छ । बैंककाे प्रतिसेयर नेटवर्थ १२२ रुपैयाँ ५८ पैसा र मूल्य आम्दानी अनुपात २६.७९ गुणा रहेको छ ।
चालू आवको ९ महिना अवधिमा बैंकले एक अर्ब ९७ करोड २६ लाख रुपैयाँ निक्षेप संकलन गरेर एक अर्ब ५१ करोड ५ लाख रुपैयाँ कर्जा परिचालन गरेको छ । बैंकको कर्जा विस्तार ११.४८ प्रतिशतले र निक्षेप ३१.२० प्रतिशतले बढाएको छ । जगेडा कोष पाँच करोड ८२ लाखबाट बढेर ९ करोड ४४ लाख रुपैयाँ सञ्चित रहेको छ ।
यस बर्षको तेश्रो त्रैमाससम्ममा बैंकले १५ करोड १० लाख रुपैयाँ ब्याज आम्दानी गरेर ७ करोड ७० लाख रुपैयाँ ब्याज खर्च गरेको छ । बैंकले गत बर्षभन्दा ३ करोड ६४ लाख रुपैयाले बढी ब्याज खर्च गरेको छ भने खुद ब्याज आम्दानी एक लाख मात्र बढाएर ७ करोड ४० लाख रुपैयाँ आर्जन गरेको छ ।
बैंकले कर्मचारी खर्च एक करोड ८४ लाखबाट दुई करोड ५० लाख पुगेको छ भने अन्य सञ्चालन खर्च ६३ लाख बढी दुई करोड ७३ लाख रुपैयाँ गरेको छ । यस अवधिमा बैंकले दुई करोड ८५ लाख सञ्चालन मुनाफा गरेको छ ।
