यसैगरी, संघले सेयर कर्जामा मूल्यांकनको ७० प्रतिशतसम्म ऋण दिनुपर्ने व्यवस्था तत्काल कार्यन्वयनमा ल्याउन अर्थमन्त्रालयको ध्यानकर्षण गराएको छ ।
राष्ट्र बैंकले गएको मौद्रिक नीतिमार्फत बैंक तथा वित्तीय संस्थाले सेयर कर्जामा प्राथमिक पुँजीको ४० प्रतिशतसम्म मात्र कर्जा प्रवाह गर्न पाउने व्यवस्था गरेको थियो । सो व्यवस्थालाई परिमार्जन गरी साबिककै जस्तो प्राथमिक पुँजीको शतप्रतिशत नै सेयर कर्जा लगानी गर्न पाउने व्यवस्था गर्न माग समेत गरेको छ ।
त्यस्तै नागरिक लगानी कोष तथा कर्मचारी सञ्चय कोषलाई बजार निर्माताको जिम्मेवारी दिने व्यवस्था तत्काल कार्यान्वयनमा ल्याउनुपर्ने, गैरआवासीय नेपालीलाई पूँजीबजारमा भित्र्याउन तत्काल काम अघि बढाइनुपर्ने माग राखेको छ । त्यस्तै पुँजी बजारसम्बन्धी नीतिनियम बनाउँदा लगानीकर्ताको धारणा समेट्नुपर्ने तथा पुँजी बजारलाई उद्योगको रुपमा विकास गर्न आवश्यक पूर्वाधार तयार गरिनुपर्ने माग उल्लेख छ ।
अर्थ राज्यमन्त्री राणाले संघको ज्ञापनपत्र बुझ्दै संघका माग पुँजी बजार विकासमा केन्द्रित भएकाले तत्काल काम अघि बढाउन पहल गर्ने आश्वासन दिएको सेयर लगानीकर्ता संघका उपाध्यक्ष ताराप्रसाद फुल्लेलले जानकारी दिए ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य