क्यापिटलका प्रमुख कार्यकारी अधिकृत पारमणि ढकालले मेरोलगानीसंग कुरा गर्दै भने 'साधारण शेयरमा राम्रो आवेदन परेको छ । बिहीबार १ अर्ब ११ करोड रुपैंया ५९ लाख ५६ हजार रुपैंयाको आवेदन परेकोमा शुक्रबार पनि १ अर्ब ५० करोड ३४ लाख ४६ हजार रुपैंयाको आवेदन परेको छ ।'
ढकालले दिएको जानकारी अनुसार बिहीबार १४ हजार ५ सय ९ वटा आवेदन परेकोमा शुक्रबार २२ हजार ४ सय ७८ वटा आवेदन परेका छन् । यस आधारमा २ दिनमा मेरोमाइक्रोफाइनान्सको साधारण शेयरका लागि ३६ हजार ९ सय ८७ वटा आवेदन परिसकेका छन् भने अझै आवेदन दिने म्याद २ दिन बाँकी छ ।
बिहीबार प्रारम्भिक तथ्यांक अनुसार ८ हजार २ सय आवेदनबाट ५८ करोड रुपैंयाको आवेदन परेको जानकारी यस अघि नै ग्लोबल आइएमई क्यापिटलले दिएको थियो ।
चैत १ गते ओबदन लिन बन्द हुने बताएको माइक्रोफाइनान्सको साधारण शेयर निष्काशन पश्चात चुक्ता पूँजी १३ करोड ८८ लाखबाट २० करोड रुपैंया पुग्नेछ । न्युनतम ५० कित्ता शेयर तथा अधिकतम १० हजार कित्ता शेयरका लागि आवेदन दिन सक्नेछन् ।
जमलस्थित नाचघरमा रहेको ग्लोब आइएमई क्यापिटलको कार्यालयबाट एकाउण्टपेयी चेकबाट मात्रा आवेदन दिन सकिने छ भने कान्तिपथस्थित ग्लोबल आइएमई बैंकबाट नगद तथा चेकबाट आवेदन दिन सकिने छ । जनकपुरमा रहेको ग्लोबल आइएमई बैंकको शाखा कार्यालयबाट पनि शेयरका लागि आवेदन दिन सकिने छ ।
यस बाहेक राजधानीमा सिटिजन्स बैंक इन्टरनेशनलका शाखा कार्यालयहरु कलंकी नारायण गोपाल चोक, नयाँ बानेश्वर, कुमारीपाटी ललितपुर र ठिमी भक्तपुरबाट आवेदन दिन सकिनेछ ।
राजधानीमा रहेको सोसाइटी डेभलपमेण्ट बैंकको शाखा कार्यालय गोंगबु तथा सगरमाथा मर्चेण्ट बैंकिंग फाइनान्स मानभवन ललितपुरबाट पनि आवेदन दिन सकिनेछ ।
राजधानी बाहिरको हकमा सिटिजन्स बैंकका शाखा कार्यलयहरु इटहरी, बिराटनगर, बिर्तामोड, बीरगञ्ज, बुटबल, धनगढी, महेन्द्रनगर, नारायणघाट, पोखरा, सिद्धार्थनगर, बनेपा र सुर्खेतबाट आवेदन दिन सकिने क्यापिटलले जनाएको छ ।
प्राइम कमर्शियल बैंकका शाखा कार्यालयहरु बट्टार र नेपालगञ्जबाट पनि आवेदन दिन सकिने छ ।
संस्थाले चालु आर्थिक वर्षको अन्त्यसम्ममा थप १३ जिल्लामा १५ बढी शाखाहरु बिस्तार गरि ४५ शाखा कार्यालयहरु मार्फत ग्राहक सदस्यहरु ५२ हजार ३ सय ४२ पुर्याउने र ३८ हजार ६ सय ९८ ऋणीहरुलाई झण्डै दुई अर्ब रुपैंया कर्जा लगानी गर्ने योजनामा रेहको छ ।
चालु आर्थिक वर्षको पहिलो त्रैमासमा १ करोड ५८ लाख रुपैयाँ खुद नाफा गरेको माइक्रोफाइनान्सले सोही अवधिसम्ममा १३ करोड ६२ लाख रुपैया निक्षेप संकलन गरी १ अर्व २६ करोड ८८ लाख रुपैयाँ कर्जा प्रवाह गरेको छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
....................................................................................................................................................................
