फोरमले पूर्ण अनलाईन कारोबार प्रणाली सम्झौता गरिएको अवधि भित्रै लागू गर्न, ब्रोकर मार्फत सेयर धितो कर्जाको ब्यवस्था, बाणिज्य बैंकलाई ब्रोकर लाईसेन्स, सेयर धितो कर्जाको सीमा धितो मूल्यांकनको ७० प्रतिशत कायम गनुपर्ने, सेयर कर्जामा लगाइएको पुँजीगत जोखिमको भार १०० प्रतिशतमा झार्नुपर्ने, ब्रोकर कमिशन घटाउनुपर्ने, गैह्र-आवासीय नेपालीलाई पूँजी बजारमा भित्र्याउने कानुन तत्काल ल्याउनुपर्ने लगायतका १९ बुँदै मागपत्र प्रस्तुत गरेको हो ।
पूँजीबजारको विकास र विस्तारको लागि विगतमा उठाइएका मागहरु सम्बोधन नहुनु नै सेयर बजार घट्नुको प्रमुख कारण रहेको फोरमले जनाएको छ । विगतमा जिम्मेवार निकायहरुको अदुरदर्शी नीतिका कारण तरलताको अभाव खेप्नुपरेको भन्दै आपूर्तीको कारणले बजार घटबढ नभई जिम्मेवार निकायहरुको पूँजी बजार प्रतिको दृष्टिकोण र कमजोर प्रबिधी, पूर्वाधार तथा लगानीकर्ता मैत्री ऐन कानूनहरु नहुनु प्रमुख जिम्मेवार भएको ठहर फोरमको छ ।
पूँजी बजारको इतिहासमा सबैभन्दा बढि आठ खर्ब ३६ अर्ब पूँजीकृत रकम लगानीकर्ताले गुमाएर १५ लाख भन्दा बढि लगानीकर्ताहरु मर्माहत हुँदा जिम्मेवार निकायहरु बेखबर जस्तै रहनुले भनाई र गराईमा फरक रहेको स्प्रष्ट देखिएको भन्दै फोरमले १९ बुँदे मागपत्र प्रस्तुत गरेको हो ।
यस्ता छन् फाेरमकाे १९ बुँदे माग :-
