सरकारले जारी गर्न लागेको वैदेशिक रोजगार बचतपत्र २०८६ पाँच वर्षे अवधिको हुने छ। खरिदकर्ताले त्रैमासिक रुपमा ब्याज भुक्तानी पाउने छन्।
बैदेशिक रोजगारीमा रहेका र वैदेशिक रोजगारीबाट फर्केको ६ महिनाभन्दा बढी नभएका नेपाली नागरिकले सो बचतपत्रमा लगानी गर्न पाउने छन्। उनीहरुले आफ्नो परिवारको सदस्यको नाममा पनि बचतपत्र खरिद गर्न सक्नेछन्। बचतपत्र खरिदको लागि न्युनतम १० हजार रुपैयाँदेखि १० ले भाग जाने गरी अधिकतम सबै बचतपत्र खरिदको लागि आवेदन दिन सकिने छ।
बचत पत्रमा बैशाख २३ गतेदेखि जेठ २२ गतेसम्म आवेदन दिन सकिने छ। जेठ २९ गते सो बचतपत्र निश्काशन गरिने राष्ट्र बैंकले जनाएको छ।
सो बचतपत्र बैंकमा धितो राखि कर्जा समेत लिन सकिने छ।