विगतमा एकपछि अर्को गरी नयाँ रेकर्ड कायम गर्दै आएको सुनको मुल्यमा मध्यपूर्व क्षेत्रमा जारी द्वन्द्वकाे अस्थिरताकाे प्रभाव परेकाे नेपाल सुनचाँदी व्यवसायी महासंघले जनाएकाे छ ।
तर अमेरिकी फेड रिजर्भले लिएको स्थिर नीतिको प्रभावले मुल्य वृद्धिको क्रम रोकिएको पनि विश्लेषकहरूले बताइरहेका छन् । यति मात्र नभई सुनकाे मुल्य सामान्य घट्नमा स्थिर व्याजदरले बल पुगेको बिश्लेषकहरुकाे भनाइ छ। यद्यपी केही महिनाभित्रैमा सुनको मुल्यले थप उचाई कायम गर्ने पनि बिश्लेषण गरिएकाे छ ।
अन्तरराष्ट्रिय सुन बजारकै अनुसार नेपालमा पनि मूल्य ताेकिने भएकाले यसकाे नेपाली सुन बजारमा प्रभाव परेकाे छ । वैशाखकाे पहिलाे साता उच्चस्तरमा पुगेकाे सुनकाे मूल्य त्यसयता भने लागातारजसाे गिरावट भएकाे छ । वैशाख ७ गते, सुन प्रतिताेला एक लाख ३९ हजार ३०० रूपैयाँ पुगेर नायँ रेकर्ड बनाएकाे थियाे । तर दाेस्राे साता पनि सुनकाे मूल्य घटेकाे थियाे । साेहि क्रम दाेहाेरिँदै तेस्राे साता अर्थात् यस साता पनि सुनकाे भाउ सस्तिएकाे हाे ।
नेपाली बजारमा याे साता सुनचाँदीकाे मूल्यमा सामान्य गिरावट
नेपाली बजारमा पनि यो साता सुनको मुल्य सामान्य घटेको छ । साताको पहिलो दिन आइतबार सुन प्रतिताेला एक लाख ३७ हजार ६०० रूपैयाँ ताेकिएकाे थियाे । त्यसपछि साेमबार केहि घटेर मंगलबार स्थिर रह्यो । सुनकाे भाउ बुधबार भने भारी गिरावट भएर प्रतिताेला एक लाख ३४ हजार ५०० रूपैयाँमा झरेकाे थियाे । तर बिहीबार भने सुनकाे भाउ बढेर एक लाख ३६ हजार ५०० पुग्याे ।
साताको अन्तिम काराबोर दिन, शुक्रबार सुन प्रतिताेला एक लाख ३५ हजार ४०० रूपैयाँमा काराेबार भयाे । साताको पहिलो दिनको तुलनामा अन्तिम कारोबार दिन, २ हजार २०० रुपैयाँले कम हो ।
यो साता नेपाली बजारमा चाँदीको मुल्य पनि घटेको छ । साताको पहिलो दिन आइतबार प्रतिताेला ग्राम एक हजार ६६० रुपैयाँमा खरिदबिक्री भएको थियाे । मुल्य साताभरको उतार चढाव पश्चात अन्तिम दिन शुक्रबार प्रतिताेला एक हजार ६४५ रुपैयाँ कायम भयो । यसरी साताभरमा चाँदी ताेलाकाे १५ रूपैयाँले घटेकाे हाे ।
