चालु आर्थिक वर्षको तेस्रो त्रैमाससम्ममा कम्पनीले १० करोड ७९ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ३८.८२ प्रतिशत बढी हो। गत आर्थिक वर्षको सोही अवधिसम्ममा कम्पनीले ७ करोड ७७ लाख रुपैयाँ खुद नाफा कमाएको थियो।
आम्दानी बढेसँगै कम्पनीको खुद नाफा बढ्न पुगेको हो।
समीक्षा अवधिमा कम्पनीको सञ्चालन आम्दानी १०.८७ प्रतिशत र कुल आम्दानी ३३.४२ प्रतिशत बढेको छ। त्यस्तै, कम्पनीको अन्य आम्दानी समीक्षा अवधिमा ९६.९४ प्रतिशत बढेको छ भने कुल खर्च २३.६१ प्रतिशत बढेको छ।
नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी २ रुपैयाँ ६२ पैसा बढेर ९ रुपैयाँ ३८ पैसा पुगेको छ। चैत मसान्तसम्ममा कम्पनीको प्रतिशेयर नेटवर्थ ९२ रुपैयाँ ३ पैसा र मूल्य आम्दानी अनुपात ८६.१४ गुणा रहेको छ।
१ अर्ब ५३ करोड रुपैयाँ चुक्ता पूँजी रहेको यस कम्पनीको जगेडा कोष १२ करोड २२ लाख रुपैयाँ ऋणात्मक रहेको छ।
