नेपाली युवा निकै जाेखिमपूर्ण मानिएकाे रुसी सेनामा, ३ लाख भन्दा बढी तलब, थप सुविधा के कति ?

Jul 10, 2024 04:58 PM Merolagani



पछिल्लो समय रुसी सेनाका विषयमा निकै चर्चा भइरहेको छ । नेपाली युवाहरु समेत रुसी सेनामा आवद्ध छन् । हालसम्म ४९ जना नेपाली युवाले रुस र युक्रेनको युद्धमा ज्यान गुमाइसकेका छन् । त्यसमाथि, अझै मृत्यु भएकाे भनिएका तर पुष्टि नभएका ४१ जना रहेका छन् ।

आकर्षक तलब, रूसी नागरिकता, पासपोर्ट र आवासीय सुविधा लगायतका प्रलाेभनमा परेर नेपाली युवाहरू रूसी सेनामा भर्ना भएका थिए।

रुसको चर्चा सामाजिक संजालमा चलिरहेकै बेला रुसी सेनाले पनि विश्वभर नै चर्चा बटुलेको छ । वास्तवमा, रुस र यूक्रेनबीच युद्ध चलिरहेको समयमा रूसलाई ठुलो संख्यामा सेनिकहरुको आवश्यकता परेको थियो । यसकासाथै, रुसी सेनाले युवाहरुलाई आकर्षक तलबका साथै भत्ता पनि दियाे। जसकारण धेरै युवा रूसी सेनामा भर्ना भए ।

रुसी सेनामा कति छन् सैनिक ?

अन्तरराष्ट्रिय संचारमाध्यमका अनुसार रुसी सेनामा कुल ३५ लाख ७० हजार सैनिकहरू रहेका छन् । जसमध्ये १३ लाख २० हजार जना सक्रिय छन् भने २० लाख जना रिजर्भमा छन् । यसकासाथै २५ लाख प्यारा फाेर्समा छन् ।

कति पाउँछन् तलब?

एक रिपोर्टका अनुसार कुनै सैनिक रुसी सेनामा आवद्ध हुँदा उसलाई एक लाख ९५ हजार रुबेल साइन इन बोनसका रुपमा दिइन्छ ।

यसकासाथै, रुसको सेनाका तर्फबाट सैनिकहरुलाई प्रति महिना २ लाख १० हजार रुबेल तलब दिइने गरेको छ । रुसले सैनिकलाई अतिरिक्त भत्ता पनि दिन्छ ।

सैनिकले धेरै तलब भत्ता पाएकै कारणले अब ग्यास र तेल केन्द्रमा ४० हजार कामदारहरुको कमी आएको छ ।

रुसको एक रुबेलको नेपाली करिब एक रुपैयाँ ५२ पैसा हुन्छ । यस्तो अवस्थामा नेपाली रुपैयाँका हिसाबले तलब तीन लाख १९ हजार २०० रुपैयाँ हुन्छ ।

 




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।