यस साताभर सुनको मूल्यमा निकै उताचढाव देखियाे । साताको पहिलो दिन गत साउन १८ गते आइतबार प्रतितोला १ लाख ९६ हजार ५०० रुपैयाँमा कारोबार भएको सुनको मूल्य त्यस यताका दिनहरुमा कहिले घट्ने, स्थिर हुने र बढ्ने क्रम चलिरह्यो ।
त्यस्तै साताको दोस्रो दिन सोमबार मूल्य १०० रुपैयाँ बढ्दा त्यस दिन कारोबार १ लाख ९६ हजार ६०० रुपैयाँमा भएको थियो । त्यस्तै, मंगलबार सुनको मूल्य ह्रवात्तै बढेर त्यस दिन १ लाख ९८ हजार ५०० रुपैयाँमा कारोबार भएको थियो ।
त्यस्तै, बुधबार भने सुनको मूल्य १०० रुपैयाँले घटेर १ लाख ९८ हजार ४०० रुपैयाँमा कारोबार भएको थियो । त्यस्तै साउन २२ गते बिहीबार भने सुनको मूल्य स्थिर रह्याे । त्यसदिन अघिल्लो दिनकाे मूल्य अर्थात १ लाख ९८ हजार ४०० रुपैयाँमै कारोबार भएको थियो ।
त्यस्तै शुक्रबार भने सुनको मूल्य पुनः एक हजार रुपैयाँले बढेर प्रतितोला १ लाख ९९ हजार ४०० रुपैयाँमा कारोबार भएकाे नेपाल सुनचाँदी व्यवसायी महासंघले जनाएको छ ।
सुन व्यवसायीका अनुसार, पछिल्ला दिनहरुमा सुनको मूल्य बढ्दै गइरहेको छ । सुनको मूल्य बढ्दै गइरहेको बेला सरकारले २ प्रतिशत विलासिता कर लगाउँदा आम उपभोक्ताले एक तोलाको सुनको गहना बनाउँदा २ लाख १७ हजार रुपैयाँसम्म रकम खर्च गर्नुपर्ने अवस्था छ ।
यसरी आइतबार १ लाख ९६ हजार ५०० रुपैयाँमा कारोबार भएको सुनको मूल्य शुक्रबारसम्मको कारोबार हेर्दा २ हजार ९०० रुपैयाँले समग्रमा सुनको मूल्य बढेको देखिन्छ । ताेलामा नै २ लाख नजिक पुगेकाे सुनकाे मूल्य अझै बढ्ने अनुमान गरिएकाे छ ।
