केन्द्रीय बैंकले आज एक सूचना जारी गर्दै चाइना बैंकनोट प्रिन्टिङ एन्ड मिन्टिङ कर्पोरेसनलाई ५० दरको नयाँ नोट छाप्ने ठेक्का दिइएको जानकारी गराएको हो। यो कम्पनीले १ करोड ४ लाख २२ हजार ५३५.२१ अमेरिकी डलरमा नोट छाप्ने ठेक्का पाएको हो। कम्पनीले नोट डिजाइन, छपाइ र आपूर्तिसम्मको काम गर्नुपर्नेछ।
राष्ट्र बैंकले गत साउन ९ अन्तर्राष्ट्रिय बोलपत्र आह्वान गर्दै ५० दरको नयाँ नोट छाप्न प्रस्ताव गर्न इच्छुक कम्पनीहरुलाई आग्रह गरेको थियो। अब यो चिनियाँ कम्पनीले ५० दरका ४२ करोड थान नयाँ नोट छाप्नेछ।
